Ko mbiiɗon?

En kaalat haala festivaal Baba Maal «Blues du fleuve»

Saakitaama ñannde : 05/12/2019 - 19:36

Hannde en ƴaɓɓoto naalanke mawɗo ene wiyee Baaba Maal. Son teskiima o meeɗii arde e jeewte men, kono addi bismaango ngoo kadi ko sabu omo noddi e ɗii ñale pottital mangal to Podoor ene innire “Blues du fleuve”.

Le Sénégalais Baba Maal. © RFI/Edmon Sadaka

Jeeyngal

Hikka kadi Baaba Maal noddi, yimɓe mum, kala naalanke, Podoornaaɓe fow, kala paarnotooɗo pulaagu potti to daande maayo ngam siftorde hanki fulɓe, cosaan fulɓe, finaa-tawaa fulɓe eko nandiheen. Ngol ɗoo woni lawol sappo e tataɓol ma o wadata ko waynii. Ma o haalan min hono ɗum woori ? Holko woni fandaare nde ? Hono Podoornaaɗe njaɓɓori ko waynii ? et Kadi holko woni programme o. Men kaal kadi haala taariinde, piilki, yooro, waylo waylo weeyo e mballondiral.

Golle : RFI

Ndaarugol taƴe goɗɗe

Ko mbiiɗon? Ko Mammadu Haadi BARI, ko o gollanoowo hoore mum ko kanko woni suudu gollirdu wi'etee ko GSPT-NEVEDAYE Alat, hannde, 04 lewru 6ɓuru, mbismotoɗen e njuɓɓudi yontere Ko Mbiiɗon? ko Mammadu Haadi BARI, ko o gollanoowo hoore makko, jeyaaɗo Gine. Suudu makko gollirdu wi'etee ko GSPT-NEVEDAYE. Golle makko paati ko aawde ki lekki wi'eteeki Nebedaay walla woɓɓe noddiraki "Moringa". Omo wayla kadi biɓɓe lekki kii. O ɓeydan en laɓɓinande ko woni golle makko e nder yeewtere men ndee.

04/06/2023 25:00
Ko mbiiɗon? Ko holno sukaaɓe janngooɓe ɓee haani sauɓoraade fannu jannde e mecce? Hannde, 03 lewru 6ɓuru, toɓɓere men no yowitii e caɗeele keɓeteeɗe e suɓagol laawol walla fannu jannde e golle wonande janngooɓe ɓee? Ko holno neɗɗo yiitirta mbawka mum e ko o yiɗi ngam o waawa suɓaade golle hawrondirɗe e faale makko?Mbismotoɗen hannde ko Mammadu JOOP, senegalnaajo, koolaaɗo kuuɓal duɗal mawngal wi'eteengal « Sup'Deco », wonungal Dakar. Omo walla janngooɓe suɓagol laawi jannde e mecce. E nder yeewtere ndee en keɗoto jiyanɗe janngooɓe ɗiɗo : Kadijatu BA e Fatimata BALL.

03/06/2023 25:00
Ko mbiiɗon? Alimatu BALDE, yimoowo lollirɗo "Princesse Sadiya" jeyaa Kolda bismiɗen e njuɓɓudi yontere Hannde e o alat 28 lewru 5ɓuru, mbismotooɗen e njuɓɓudi yontere Ko Mbiiɗon? ko sukka debbo yimoowo bi'eteeɗo Alimatu BALDE, lollirɗo "Princesse Sadiya". Oo jeyaa ko Kolda, worgo Senegaal. Omo huutoroo daande makko e ɗii gaaci ɗi o waɗaata, ngam hollitde mette ɓernde makko e caɗeele ɗe o teskii pawaaɗi e dow rewɓe e nder renndo makko.

28/05/2023 25:00
Ko mbiiɗon? "Graffiti" ko fannu goɗɗo mo sukaaɓe ƴettirta konngol ɓe holla mette maɓɓe e nder renndo ngoo Aset, hannde, 27 lewru 5ɓiru, en ngaddi e dinngiral ngal fannu goɗɗo ƴettirɗo kongol sukaaɓe bi'eteengol e ɗemngal fansiire "Graffiti", woni natugol e dow maadi. Oo fanu, no jeyaa, jooni e geɗe ñeeñal teskaaɗe. Gila ko ɓooyi ngal ñeeñal nanngiranooka no haaniri non. Ko ngal jaggiraano ko golle puuyɗe. Kono, huutortooɓe ngal ɓee kaɓii haa ngal heɓtinaama e nder aduna oo fof. "Graffiti", ko natugol e dow maadiiji, comci, ɗereeji e leydi ekn. Ɓee sukaaɓe mbaɗanta ɗum ko ngam hollude mette maɓɓe e ko moƴƴaa koo e nder renndooji maɓɓe. Eɓe holla kadi mette maɓɓe ko faati e dawro.Ko holɗe e ɓataake ɓuraa holleede e nder ngal ñeeñal bi'eteengal Graffiti? Holno jamaa oo jaɓɓorii walla yiiri ko ɓe hollata koo?E nder ndee yeewtere, mbismotoɗen ko Aamaadu Lamiin NGOOM, lollirɗo Dokta. Ko kanko sinci koolol paatungol e "Graffiti" baɗowol Senegaal, to suudu Pinal Duuta Sek.

27/05/2023 25:00
Ko mbiiɗon? Abdulaay BAH, omo golla e nder fedde nde wonaa lamuyankoore daraniinde taariindi wi'eteende "ACOREC" Hannde e alat 21 lewru 5ɓiru, en mbismoto e nder njuɓɓudi yontere ko Mbiiɗon? sukka ginenaajo bi'eteeɗo Abdulaay BAH, omo golla e nder fedde nde wonaa lamuyankoore daraniinde taariindi wi'eteende "ACOREC". O jaabo namnde men ko faati e golle fedde ndee. E Lolliinal Ko Mbiiɗon?, en njaɓɓoto sukka yimoowo ginenaajo ngandiraaɗo Baristo.

21/05/2023 25:00

Ndaarugol taƴe goɗɗe