Ɓuttiɗam walla fayugol haa ɓurta

Hito 10:00
Gorko fayuɗo haa ɓurti walla ɓuttiɗuɗo  jeyaaɗo USA. (Natal ɓannginirgal)
Gorko fayuɗo haa ɓurti walla ɓuttiɗuɗo jeyaaɗo USA. (Natal ɓannginirgal) AFP/Karen Bleier

Ley adunaaru yimɓe ko ɓuri miliooji ɗiɗi maayata e nder hitaannde fuu saabu payɗam ndiwtuɗam. Ko ɗum OMS fedde halfinaade Cellal ley aduna holli.Ɓuttiɗam pantuɗam maa fayugol haa ɓurta. No wi’ee obesitee e faransiire. Ko ɗum woni toɓɓere men e ndee jeɗɗiireKo saabotoo ɗum, saɗɗaaji cellal ko ɗum waawi waɗude? Ngam faamude ɗum fuu en calminan ɗoo Naana Tombi’yano, safroowo hertorɗo mbooɗeefi neemaaji e ñaamndu e cellal yimɓe to  Ngalluure Wagadugu, Burkina Faso. Ley yewtere ndee e keɗoto konnguli sakiraaɓe yoga ko ɓe anndi e toɓɓere ndee e ƴame maɓɓe.