Afrik: Alhaali pesooɗe koronawiriis e dabare rentaade ñawu nguu

Toɓɓere CELLAL KO NGALU ndee jeɗɗiire woni ñawu koronawiriisi: no ɗum woniri e goɗɗe leyɗe Afrik, no pesooɗe ñawu nguu heɓorto e dabare reenaade e ñawu nguu.Faa keɓen paaman, en calminan ley yewtere ndee Dr Mamadu NJAAY golloowo to suudu safrirdu “DIOFFIOR” Fatik Senegaal, hawjiiɓe pesooɗe koronawiriis, o hollan no ɗum heɓortoo  Senegaal.En tawdete kadi e Dr Muusa JALLO safroowo to Yalgado WEDERAWOGO  hawjiiɓe safrude e tinndinde baŋŋal haɓdude ñawu nguu to Burkina. En calminan du Dr Abdulaay JALLO, safroowo, janginoowo safrooɓe to Konaakiri, o humpita no ñawu wonaa safreede to leydi maɓɓe. Fadde ɗum firtanan en ko woni ñalaannde suɓanaande cellal aduna, laatinaande to jeeɗiɗi lewru nayaɓurdu hitaande fuu.E fuɗɗoode yewtere ndee en keɓan jantoore Mammadu Aadama JALLO e ko haɓɓodi pesi ñawu kowid-19 Konakiri, Gine. En ngaran heɗaade du sakiraaɓe yogaaɓe dow toɓɓere ndee e ƴamɗe ko ɓe njoganii safrooɓe.