Cellal: Nawnaare jabeeti ( sukkar)

Hito 10:00
© OMS / S.Volkov

Toɓɓere Cellal Ko Ngalu ndee jeɗɗiire no haala ko faati  ñawu sukkar (suukara) no noddirte jabeeti e faransiire.Ko saabotoo nguu ñawu, no ɗum safriirte walla hisnirtee en ko ɗum woni toɓɓe yewtere ndee.Faa keɓen paaman e majjum, en jaɓɓoto safroowo ñawu suukara, On ko Dr Mammadu BA safroowo ñawu sukkar to suudu safrirdu Pikiin Dakar Senegal, o sifanto en, ko saabotoo ñawu nguu, e no ngu safrirtee e daliilu kisdam ñawu nguu.En tawdete kadi e Dr Kaalidu BA safroowo to suudu safaare SHEYK ZAYED, Nuwaakshot, Moritani. Ko wonɗo e sarwiisi, ɓe nawnaaje jaɓeti hulɓiniiɗe jaɓɓetee. O hollan en ko ɓe jaɓɓorta yimɓe ɓe ñawu suukara tampini sanne.Ley yewtere nde, en keɗoto seeditande sakiraaɓe yoga. Ɓe okka miijooji maɓɓe e ko anndi fii ñawu jabeeti e naamne ɗe ɓe njoganii safrooɓe tawdaaɓe e yewtere ndee.

Jeeyngal

Heɗoɗee jeewte  waɗooje altineere kala e njamdi 8:50 (GMT) Heɗitee nde talaataare e njamdi 17: 50 (GMT).

Oɗon waawi  waɗtude baka mon  e yewtere dow tonngoode WhatsApp: 00 221 76 644 12 72.

On mbaawi heɗaade taskaramji amen dow kelle Facebook maa Tweter: RFI Fulfulde