Toɓɓe kabaaruuji yontere Mali, Faransi, Burkina Faso, Najeriya, USA e Rusiya

Hito 25:00
Moodibbo Galli Siise, jeyaaɗo Mali, hertorɗo kisal e ndeenaagu e nder falnde Sahel
Moodibbo Galli Siise, jeyaaɗo Mali, hertorɗo kisal e ndeenaagu e nder falnde Sahel © RFI FULFULDE

Koɗo men hande e taskaram kabaaruuji yontere ko Modibbo Galli SiIse kertoriiɗo e kisal e ndeenaagu Sahel jeyaaɗo Mali.

Jeeyngal

Taskaram men haande, en puɗɗoran Faransi horeejo leydi ndii, Emmaniyel Makron anndinii alkamisa timmugol golle konu Barkaan e nder diiwal Sahel.  Nguu konu lomtinirte Takuba ko haɓa jiyadiyankooɓe  ɓen e ndee falnde.

To Burkina Faso, caggal njanngu (hawannde) muusngu waɗungu Solhan ɗee balɗe. yimɓe heewɓe loriima heen. Woodi e daɗuɓe ɓee ndoguɓe fattoyii e gure goɗɗe.

Mali, Kolonel Assimi Goyta, woondii ñannde altineere ndee. O jooɗima e salli laamu hakkundeewu Mali. Konnguɗi makko ko yo malinaaɓe fof ngollidu mbele jam no arta e leydi ndii.

Najeeriya’en ngaddi jiyannɗe mumen e ko faati e haala darnugol TWITTER. ɗum ko pellital ngal  laamu nguu ƴetti e ɗee balɗe.

Horeejo Dowlaaji Ndentuɗi Amerik (USA), Joe Biden ɓami njillu mum aranu e ndee yontere. E ngol lappol o tawtoraama jonnde G7 hade makko fottoyde e horeejo ruusiya ñannde 16 lewru ndu ngonnɗen nduu.

Rusiya: Suudu sariya anndini wonnde fedde dawro lunndiyanke laamu nguu Nawalni na tawaa e pelle fantiyankooje. Ko ɗum holli ndee toŋaama e nder laral Rusiya.

Lombu ooɗo aplikasion e nder noddirgal maa