Koɗo mawɗo

Porofeseer Aliiwu MUHAMMADU, jannginoowo pulaar fulfulde to INALCO Paris

Hito 25:00
Porofeseer Aliiwu Mohammadu, jannginoowo pulaar:fulfulde to INALCO, PARIS, hooreejo departeman (yeɓre) pulaar fulfulde Inalco ton. Ko kanko sinci muulirdu "Binndi e Jannde", ko kanko kadi fampii e dow internet deftirdu coñe walla balli waɗaaɗe e ɗemɗe Afrik.
Porofeseer Aliiwu Mohammadu, jannginoowo pulaar:fulfulde to INALCO, PARIS, hooreejo departeman (yeɓre) pulaar fulfulde Inalco ton. Ko kanko sinci muulirdu "Binndi e Jannde", ko kanko kadi fampii e dow internet deftirdu coñe walla balli waɗaaɗe e ɗemɗe Afrik. © Pr Aliou Mohamadou

Men yewtidii e oo koɗo mawɗo toɓɓe heewɗe:  Ñallal winndereyankowal ɗemngal muynaangal UNESCO,  ko woni  Inalco, defte ɗe o wallifii o okkaa mbuuñaari farankofoni e majje.Heɗoɗee ɗoo arannde (1) maakodal amen e makko.

Jeeyngal

Heɗiyankooɓe tedduɓe mi salminii on salminaago eɗam e pulaaku.

Hannde ko alat, 21 lewru 2ɓuru 2021, hannde ko ñallal adunayankowal hertinaangal fii ɗemɗe muynaaɗe.

Ngam yewtude ko woni ngal ñallal, yewtude alhaali ɗemngal fulfulde, ɗemɗe afrikyankooje e noone kuuɓal. Men tolnanii on ɗoo toowa-ganndaljo. Ɗemɗiyankoojo, wiɗtiyankoojo, Jannginoowo pulaar/ Fulfulde to duɗal mawngal INALCO, Paris.

Heɗiyankooɓe RFI Fulfulde, koɗo men mawɗo hannde ko Porofeseer Aliiwu Muhammadu. Ko kamɓe woni halfinaaɓe yeɓre walla departeman pulaar fulfulde Inalco.

Porofeseer Aliiwu Mohummadu yaltinii binndanɗe wiɗto, ɓe yaltinii defte heewuɗe, no tawaa e majje,  deftere nde ɓe taskii e nder mum, mbaadi gollal walla kuugal e nder fulfulde, daaɗe maggal, honno ngal pirlitorta, ɗen geɗe fow no laɓɓinaa e dow maye. Deftere yaltunde hitaande 2012, nde muulitaa ɗiɗaɓun 2014.

E hitaande 2015, Pr Aliiwu Muhammadu yaltinno saggitorde konnguɗi celluka e lombe pulaar Fulfulde. Ɗee ɗiɗi kala o heɓuno mbuuñaari  Marsel Kadima,  ndi fedde dental farankofoni hokki mo.

Ko kanko sinci muulirdu “Binndi e Jannde”, suudu yantindu ko ɓuri cappanɗe defte.

Hannde, hiɓe fammpii e dow internet lowre humpitirde ko faati e coñe walla ballife ɗemɗe Afrik. http://ellaf.huma-num.fr/

Toolii, saɗi mon, foofo heɗiayankooɓe tedduɓe !