Koɗo Mawɗo Ko Aagibu Sow lollirɗo Mo Kuletee : Ɗemɗiyankeejo, winndiyanke, jannginoowo
Saakitaama ñannde :
Koɗo Mawɗo jaɓɓike Aagibu Sow, jeyaaɗo Gine. Ko o suka toowa-ganndaljo. Ɗemɗiyankoojo, wnndiyankeejo, jannginoowo, gimɗoowo, taaloowo. Himo wallifii ko heewi e fannuuji no jeyaa e ɗin, taali, miili, janti, maaginaaku, helmeedi gannde kese. Ɗum ko battane ñallal adunuyankowal hertinanaangal taali, ñannde 20 lewru tataɓuru.
Heɗiyankooɓe tedduɓe, mi salminii on salminaango enɗam e pulaaku.
Taskaram Koɗo Mawɗo no jaɓɓii Aagibu Sow, jeyaaɗo Gine. Ko o suka toowa-ganndaljo. taaliyankeejo, ɗemɗiyankoojo, jannginoowo, gimɗoowo. Himo wallifii ko heewi e fannuuji: miili, janti, maaginaaku, helmeedi gannde kese.
En jaɓɓike mo ɗoo hannde e battane ñallal adunuyankowal hertinanaangal taali, ñannde 20 lewru tataɓuru.
Koɗo men on ko teral mawngal Agipelen. Fedde jannginaynde ɗemngal Fulfulde Gine, winndaynde saaka defte e ngal ɗemngal. Hinnde firta kadi defte jannginirɗe fayɓe e ɗemngal Fulfulde.
E nder yewtere men Ceerno Aagibu Sow artay e denndaangal ɗee toɓɓe. Koɗo men no winndi deftere taali mawnde, nde o innitiri Taali Fuuta Jaloo. Ko honɗum o loowi e mayre? Ko woni nafa taali? Ko honno taalol wallifortee, no ngol ñiɓirtee?
O jaaboto denndaangal ɗee lamnde.
Toolii mon ka maakodal men.
Bismilla koɗo men non.