Koɗo Mawɗo e ndee yontere ko Mari Teew Ñaan hiisoyankeejo feccere 2
Saakitaama ñannde :
Koɗo Mawɗo e ndee yontere ko Mari Teew Ñaan hiisoyankeejo, wiɗtoowo, jaagorɗo kiɗɗo Senegaal
Tedduɓe heɗɗiiɓe RFI Fulfulde on calminama on yettaama. Bisimilla mon e kaa taskaram Koɗo Mawɗo. Koɗo mawɗo men haande ko wiɗtoyankeejo, jannginoowo. Ganndal makko no yahri e baŋŋe hiisa. Omo jeeya e fedde « Akademi Siyansi e Teknik Senegaal». Kanko ardii goomu no wi’ee UFR ( heblo e wiɗto to baŋŋe hiisa e Informatik). Kanko kadi ardii suudu wi’eteendu Sosiyete Hiisa Senegaal. Ko kanko yiilata suudu taskotoondu e ko faati e Niimerik e Informatik. O heeɓi buuñaari “Chevalier des Palmes Académiques du Sénégal ( 1998)”. O ardiima jaagorgal kalfinangal jannde toowunde e wiɗto e kesam-kesamaaku gila hitaande 2012 haa hitaande 2019. O winndi deftere no wi’ee « le ciel et les mots » Kammu (asama) e Kelme » O heɓii doctoral e fannu hiisa e fannuuji goɗɗi. Hannde en mbaawaa huuɓintinde seedaaguuji walla diplomaaji makko.