Koɗo men hannde

Ko honto alhaali ɗemɗe Afrik ɗen fewndii hannde? Aagibu Sow, ɗemɗiyankooko jeyaaɗo Gine no jaaboo ngal lamndal

Saakitaama ñannde : 13/12/2021 - 09:48

RFI Fulfulde heɓii hitaande . E ndee yontere ɗoo fow en ƴewtay fii ɓamtaare ɗemɗe Afrik. En fuɗɗoray hannde Moodi Aagibu Sow lollirɗo innde Mo Kuletee, ko o winndiyankeejo hertorɗo ɗemngal fulfulde. E faandu haala Ibrahiima Timmbi Bah, himo taskoo no ɗemɗe leyɗe Afrik fewndori. Heɗoɗen mo.

Aagibu Sow ɗemɗiyankoojo jeyaaɗo Gine. Ko o katanteejo wonɗo e etaade no ɗemɗe afriyankoojo ɗen yo janngine ka duɗe. RFI/Carol Valade

Golle : RFI Fulfulde

RFI FULFULDE
Fulfulde

Ndaarugol taƴe goɗɗe

Koɗo men hannde Ko Dr Mammadu Moktar Jallo jannginowo to iniwersite (duɗal) Amikal Kabral Bissawo no taskoo wooteeji sarɗinkooɓe saatiiɗi Gine- Bisaawo Gine-Bissaawo, suɓngooji depiteeɓe hino saati e ndee alatiire aroore. Gine-bissawonaaɓe suɓotoo sarɗiyankooɓe maɓɓe 102 jooɗotooɓe to suudu mbatu ngendiiru . Gine-Bissaawo no anndiraa satteende ko faati e alhaali dawro. E ndee hitaande ƴaɓɓiinde, hooreejo leydi ndin fusuno mbatu mawngu leydi ndin cagaal nde lurral politik mawngal waɗi hakkunde guwerneman makko e woɓɓe hooreeɓe pelle politik. Ko Dr Mammadu Moktar Jallo jannginowo to iniwersite (duɗal Amikal Kabral Gine Bisawo woni koɗo men hannde. Himo jaaboo lamnde Ibrahiima Timmbi Bah.

01/06/2023 04:43
Koɗo men hannde Senegaal: Dokteer Sheyk Tijjaan SOW hertorɗo dawro no taskoo alhaali ngal kaaldal ngal hooreejo leydi ƴami Senegaal, jonnde ngenndiyankoore fuɗɗoto hannde kiikiiɗe. Ko hooreejo leydi ndin udditata nde e yannde 16. Ndee yewtere hino waɗude, lebbi 10 ado woote saatiiɗe e hitaande 2024. Haa hannde anndaaka si Makki Sall tawete e ɗen woote, sabu lumndiiɓe laamu makko hino tuumi mo faale happu tataɓu. Toɓɓe ɗuuɗuɗe yewtete e nguu mbatu, hay si tawii lumndiiɓe laamu woɓɓe hollii tawetaake e maggu. Ɗum ko wano Usmane Sonko. Khalifa Saal e Bartemi Jaaz meerjo Dakar e dawroyankooɓe woɓɓe kañum tawete e yewtere nden. Koɗo hannde ko Dr Sheyk Tijjaan SOW hertorɗo dawro. Himo jaaboo lamnde Ibrahiima Timmbi Bah.

31/05/2023 05:00
Koɗo men hannde Najeriya: Ko holɗe woni golle mawɗe teeriiɗe walla ceeciiɗe oo hooreejo keso? Porofeseer Abuubakar Jiika Jiddere no jaaboo Bola Ahmed Tinubu waɗii woondoore makko e alrine 29 nduu lewru. O laatike hooreejo 16ɓo Najeriya. Duuɓi 8 ɗi Muhammad Buhari ardii ɗin timmii. Nultondiraaɗo amen Najeriya Nasser Yuusuf Usmaan yewtidii e Porofeseer Abuubakar Jiika Jiddere, ko o jannginoowo gannde dawro (politik) to duɗal mawngal "Bayero University" wonɗo Kano. Heɗoɗen ɓe.

30/05/2023 04:59
Koɗo men hannde Ko Kajjata BA, sarɗiyankoojo, cukko hooreejo fedde dawro, IRA, Moritani, bismiɗen hannde Moritani, daawal ɗiɗaɓal suɓngooji sarɗiyankooɓe waɗii e ndee aseweere faltiinde. E nder njaltuɗi arani ndiin, ko fedde politik laamu ngun fooluno e ɗee woote. Ndee ndee fedde heɓuno depiteeɓe 80. Lumndiiɓe laamu ɓee, ko sarɗiyankooɓe 24 dañi. Kono ɓe jaɓaali ndee woote, hiɓe lamndii yo ɗe fuɗɗite. Koɗo men hannde ko Kajjata BA, sarɗiyankoojo, cukko hooreejo fedde dawro IRA. Himo jaabo lamnde Ibrahiima Timmbi Bah.

29/05/2023 04:55
Koɗo men hannde Ko holno ndee ñaawoore fuɗɗiinde hakkunde Usmaan Sonko e Aji Sarr, joofirta e hoore jam? Aamadu Tijjan Woon, jaagorɗo e diplomaatjo senegalnaajo kiɗɗo no jaaboo ngal lamndal Senegaal, ñaawoore Usman Sonko e Ajii Saar taƴete e alkamisa aroore. Porokireerjo on ƴami yo Usman Sonko soke duuɓi 5 walla duuɓi 10. Gila Aji Saar, oo debbo ɓoosoowo tuumi oo lumndiiɗo laamu yanugol makko, seppooji ɗuuɗuɗi ngaɗii e nder leydi ndin. Seppooji saabiiɗi fitinaaji mawɗi. Ko holno ndee ñaawoore joofirta e nder jam e deeƴere e nder leydi ndin ? Koɗo men hannde ko Aamadu Tijjan Woon, jaagorɗo e diplomaatjo kiɗɗo Senegaal. Himo jaaboo lamnde Ibrahiima Timmbi Bah.

25/05/2023 05:30

Ndaarugol taƴe goɗɗe