Image carrée

Koɗo men hannde

Hannde ko imaam Mahmuud DIKKO, Mali woni koɗo RFI Fulfulde

Saakitaama ñannde : 20/12/2021 - 16:06

Koɗo men hannde ko Imaam Mahmuud Dikko mo Mali. E faandu haala Ibrahiima Timmbi Bah. Ɓe haaldii e toɓɓe jowitiiɗe e kabaaruuji Mali. Wano laamu faddewu (hakkundewu), jonnde ngenddire wonunde e waɗude Mali e dawol walla juurngal Emmanuyel Makron Bamako. Heɗoɗen ɓe.

Imaam Mahmuud DIKKO no jaɓɓaa ka nder Estidiyo RFI Dakar — Imaam Mahmuud DIKKO no jaɓɓaa ka nder Estidiyo RFI Dakar © Tidiane Maloun BARRY

Golle : RFI Fulfulde

Ndaarugol taƴe goɗɗe

Koɗo men hannde Busuriiwu JALLO ƴettoowo konngol e innde kawtital CGCPI no ɓanngina Gine, kawtital daraniingal suudu ñaawirdu winndere, "CGCPI" joɗɗinii suudu duusayndu lorriiɓe e baŋŋe sariya. Faandaare mayru ko wallitagol yimɓe tampinaaɓe walla toñaaɓe no ɓe heɓtiri hakkeeji maɓɓe. CGCPI ƴettanayɓe awokaaɓe ɗowtayɓe ɓee lorriiɓe ka cuuɗi ñaawirɗi tammbitooɓe haa ɓe wullitoo. Koɗo men hannde ko Busuriiwu Jallo, ƴettoowo konngol e innde ngal kawtital CGCPI. Himo jaaboo lamnde Ibrahiima Timmbi Bah. Heɗoɗen mo.

08/06/2023 04:47
Koɗo men hannde Alhaali waylugol dosngal Mali, ko Soya Jigge gooto e ardiiɓe fedde kawtital pelle politik M5-RFP woni koɗo men Mali, kawtital pelle politik M5-RFP Mali Kura yaadaani e ardiiɓe laamu faddewu ngun ko yowitii e heydintingol doosgal leydi ndin. Ko faati e woote referandum, ndee fedde hollii mettu-ɓernde maɓɓe caggal nde ardiiɓe leydi ndin salii firtude ndee eɓɓoore maɓɓe. Ardiiɓe M5-RFP wi’ii wonnde ɓe tammbitotaako kala ko yowiti e heɓlagol ɗee woote sabu e bi’ol maɓɓe, wonaa ɗum woni ko hitti e nder leydi ndin. Soya Jigge ko gooto e ardiiɓe nden fedde, o yewtidii e Abdullaay JALLO. Heɗoɗen mo.

07/06/2023 05:25
Koɗo men hannde Ko Anjelik Kijo yimoowo benenaajo sincuɗo fondasiyon "Batongo" woni koɗo men hannde Ko yimiyankeejo mo Benen. Golle makko haɗaani mo yimugol. Omo darni fedde noddirteende Batonga. Ndee fedde ko darnaande gila e hitannde 2006 to Benen. Ko woni faandaare mayre ko walluude sukaaɓe rewɓe e worɓe. O ƴettii pellital darnuude salndu fedde ndee e nder Senegaal. Ɗum fampaama to "Hotel King Fahd Place" tawtoregol imminaaɗo jaagorɗo kalfonaaɗo alhaali rewɓe e sukaaɓe.Muusa Umaar Bari.

06/06/2023 05:38
Koɗo men hannde Senegaal: holko woni sabu ɗee maayeele e ɗii seppooji e ko holno ɗee bone dartinirtee? Awa Bokar Li-Taal, renndoyankeejo no taskoo oo alhaali Fitinaaji mawɗi ngaɗii Senegaal gila Usman Sonko fawaa duuɓi ɗiɗi kaso e alkamisa faltiinde. Suudu ñaawirdu Dakar hollii oo lunndiiɗo laamu no faggitii bone yeenugol walla ɗaynugol sukaaɓe. Ɗum ko caggal nde Aji Saar, debbo ɓoosoowo tuumunooɗo mo yanugol e makko doola mo. E b’iol Usmaan Sonko ndee ñaawoore alaa ƴi’al. Faandaare nden ko haɗugol mo tawegol e woote hooreyaaku saatiiɗe e hitaande 2024. Ɗii fitinaaji waɗuɗi tentinii, Dakar e Zigenshoor wonii sabu maayeele ɗuuɗuɗe. Laamu ngun wi'ii wonnde ko yimɓe 16 maayi. E bi’ol lunndiiɓe laamu ko 19yo. Holko ko saaɓi ɗee maayeele ? Ko holno ɗee dartinirtee ? Ko Awa Bokaar Li-Taal woni koɗo men hannde. Himo Jaaboo lamnde Ibrahiima Timmbi Bah.

05/06/2023 04:57
Koɗo men hannde Ko Dr Mammadu Moktar Jallo jannginowo to iniwersite (duɗal) Amikal Kabral Bissawo no taskoo wooteeji sarɗinkooɓe saatiiɗi Gine- Bisaawo Gine-Bissaawo, suɓngooji depiteeɓe hino saati e ndee alatiire aroore. Gine-bissawonaaɓe suɓotoo sarɗiyankooɓe maɓɓe 102 jooɗotooɓe to suudu mbatu ngendiiru . Gine-Bissaawo no anndiraa satteende ko faati e alhaali dawro. E ndee hitaande ƴaɓɓiinde, hooreejo leydi ndin fusuno mbatu mawngu leydi ndin cagaal nde lurral politik mawngal waɗi hakkunde guwerneman makko e woɓɓe hooreeɓe pelle politik. Ko Dr Mammadu Moktar Jallo jannginowo to iniwersite (duɗal Amikal Kabral Gine Bisawo woni koɗo men hannde. Himo jaaboo lamnde Ibrahiima Timmbi Bah.

01/06/2023 04:43

Ndaarugol taƴe goɗɗe

Jaɓɓorgo

Podkast

Hello ngon majjii

Loowdi ndi etiɗaa heɓude ndin woodaaka maa ndi acciino heɓaade.