Koɗo men hannde

Taskaare: Mali alhaali garal merseneerɓe Wagner e nanondiral hakkunde leyɗe

Saakitaama ñannde : 27/12/2021 - 12:44

Mali, alhaali arugol sosiyete merseneerɓe Ruusinaaɓe Wagner'en addii yeddondiral hakkunde Mali e leyɗe Erop yogaaje. Ɗen leyɗe hirnaageyankooje 15 yaltinii e nder hollitol ɗe hollii wonnde Wagner no Mali. Kono Bamako wi'ii kañum wonnde ɗum aldaa e ƴi’al, ɓe siforii ngal kumpital, kabaaru nana-nani. Koɗo men hannde ko Umaar Siise, wiɗtotooɗo e baŋŋe kisal e deenaagu. O hollii taskaare makko e ndee toɓɓere e faandu haala Ibrahiima Timmbi Bah. Heɗoɗen mo.

Golle : RFI Fulfulde

Mali
Wagner
Sahel

Ndaarugol taƴe goɗɗe

Koɗo men hannde Ko Anjelik Kijo yimoowo benenaajo sincuɗo fondasiyon "Batongo" woni koɗo men hannde Ko yimiyankeejo mo Benen. Golle makko haɗaani mo yimugol. Omo darni fedde noddirteende Batonga. Ndee fedde ko darnaande gila e hitannde 2006 to Benen. Ko woni faandaare mayre ko walluude sukaaɓe rewɓe e worɓe. O ƴettii pellital darnuude salndu fedde ndee e nder Senegaal. Ɗum fampaama to "Hotel King Fahd Place" tawtoregol imminaaɗo jaagorɗo kalfonaaɗo alhaali rewɓe e sukaaɓe.Muusa Umaar Bari.

06/06/2023 05:38
Koɗo men hannde Senegaal: holko woni sabu ɗee maayeele e ɗii seppooji e ko holno ɗee bone dartinirtee? Awa Bokar Li-Taal, renndoyankeejo no taskoo oo alhaali Fitinaaji mawɗi ngaɗii Senegaal gila Usman Sonko fawaa duuɓi ɗiɗi kaso e alkamisa faltiinde. Suudu ñaawirdu Dakar hollii oo lunndiiɗo laamu no faggitii bone yeenugol walla ɗaynugol sukaaɓe. Ɗum ko caggal nde Aji Saar, debbo ɓoosoowo tuumunooɗo mo yanugol e makko doola mo. E b’iol Usmaan Sonko ndee ñaawoore alaa ƴi’al. Faandaare nden ko haɗugol mo tawegol e woote hooreyaaku saatiiɗe e hitaande 2024. Ɗii fitinaaji waɗuɗi tentinii, Dakar e Zigenshoor wonii sabu maayeele ɗuuɗuɗe. Laamu ngun wi'ii wonnde ko yimɓe 16 maayi. E bi’ol lunndiiɓe laamu ko 19yo. Holko ko saaɓi ɗee maayeele ? Ko holno ɗee dartinirtee ? Ko Awa Bokaar Li-Taal woni koɗo men hannde. Himo Jaaboo lamnde Ibrahiima Timmbi Bah.

05/06/2023 04:57
Koɗo men hannde Ko Dr Mammadu Moktar Jallo jannginowo to iniwersite (duɗal) Amikal Kabral Bissawo no taskoo wooteeji sarɗinkooɓe saatiiɗi Gine- Bisaawo Gine-Bissaawo, suɓngooji depiteeɓe hino saati e ndee alatiire aroore. Gine-bissawonaaɓe suɓotoo sarɗiyankooɓe maɓɓe 102 jooɗotooɓe to suudu mbatu ngendiiru . Gine-Bissaawo no anndiraa satteende ko faati e alhaali dawro. E ndee hitaande ƴaɓɓiinde, hooreejo leydi ndin fusuno mbatu mawngu leydi ndin cagaal nde lurral politik mawngal waɗi hakkunde guwerneman makko e woɓɓe hooreeɓe pelle politik. Ko Dr Mammadu Moktar Jallo jannginowo to iniwersite (duɗal Amikal Kabral Gine Bisawo woni koɗo men hannde. Himo jaaboo lamnde Ibrahiima Timmbi Bah.

01/06/2023 04:43
Koɗo men hannde Senegaal: Dokteer Sheyk Tijjaan SOW hertorɗo dawro no taskoo alhaali ngal kaaldal ngal hooreejo leydi ƴami Senegaal, jonnde ngenndiyankoore fuɗɗoto hannde kiikiiɗe. Ko hooreejo leydi ndin udditata nde e yannde 16. Ndee yewtere hino waɗude, lebbi 10 ado woote saatiiɗe e hitaande 2024. Haa hannde anndaaka si Makki Sall tawete e ɗen woote, sabu lumndiiɓe laamu makko hino tuumi mo faale happu tataɓu. Toɓɓe ɗuuɗuɗe yewtete e nguu mbatu, hay si tawii lumndiiɓe laamu woɓɓe hollii tawetaake e maggu. Ɗum ko wano Usmane Sonko. Khalifa Saal e Bartemi Jaaz meerjo Dakar e dawroyankooɓe woɓɓe kañum tawete e yewtere nden. Koɗo hannde ko Dr Sheyk Tijjaan SOW hertorɗo dawro. Himo jaaboo lamnde Ibrahiima Timmbi Bah.

31/05/2023 05:00
Koɗo men hannde Najeriya: Ko holɗe woni golle mawɗe teeriiɗe walla ceeciiɗe oo hooreejo keso? Porofeseer Abuubakar Jiika Jiddere no jaaboo Bola Ahmed Tinubu waɗii woondoore makko e alrine 29 nduu lewru. O laatike hooreejo 16ɓo Najeriya. Duuɓi 8 ɗi Muhammad Buhari ardii ɗin timmii. Nultondiraaɗo amen Najeriya Nasser Yuusuf Usmaan yewtidii e Porofeseer Abuubakar Jiika Jiddere, ko o jannginoowo gannde dawro (politik) to duɗal mawngal "Bayero University" wonɗo Kano. Heɗoɗen ɓe.

30/05/2023 04:59

Ndaarugol taƴe goɗɗe