Ko mbiiɗon?

Holko Woni paandaale (faandaaje) sukaaɓe Afrik e ndee hitaande hesere?

Saakitaama ñannde : 04/01/2021 - 13:04

Hannde Ko Mbiɗon no yewta ko yowitii e paandaale sukaaɓe Afrik e ndee hitaande hesere? Caggal nde hittaande 2020 wulii ( feƴƴi) e caɗeele ko nde wonndunoo, mbele sukaaɓe no njogii tama'u walla hoolaare e nder 2021?En mbismto e oo taskaram, rendinyankejo Awa Bokar LI mo leydi Senegaal. O aran ɗoo, o fassiran en ji'ande makko yoga e ko sukaaaɓe miijotoo e ndee hitaande naatunde kesum.E damal Lollinal Ko Mbiiɗon en keɗoo suka naalanke bii’eteɗo Fabi Bokira jeyaaɗo Gine.

Jeeyngal

Neldee nji'anɗe mon e dow tonngoode amen WhatsApp: +221772673131

Oɗon waawi jokkaande men e kelle facebook e Twitter: RFI FULFULDE.

Golle : RFI

Afrik

Ndaarugol taƴe goɗɗe

Ko mbiiɗon? Alimatu BALDE, yimoowo lollirɗo "Princesse Sadiya" jeyaa Kolda bismiɗen e njuɓɓudi yontere Hannde e o alat 28 lewru 5ɓuru, mbismotooɗen e njuɓɓudi yontere Ko Mbiiɗon? ko sukka debbo yimoowo bi'eteeɗo Alimatu BALDE, lollirɗo "Princesse Sadiya". Oo jeyaa ko Kolda, worgo Senegaal. Omo huutoroo daande makko e ɗii gaaci ɗi o waɗaata, ngam hollitde mette ɓernde makko e caɗeele ɗe o teskii pawaaɗi e dow rewɓe e nder renndo makko.

28/05/2023 25:00
Ko mbiiɗon? "Graffiti" ko fannu goɗɗo mo sukaaɓe ƴettirta konngol ɓe holla mette maɓɓe e nder renndo ngoo Aset, hannde, 27 lewru 5ɓiru, en ngaddi e dinngiral ngal fannu goɗɗo ƴettirɗo kongol sukaaɓe bi'eteengol e ɗemngal fansiire "Graffiti", woni natugol e dow maadi. Oo fanu, no jeyaa, jooni e geɗe ñeeñal teskaaɗe. Gila ko ɓooyi ngal ñeeñal nanngiranooka no haaniri non. Ko ngal jaggiraano ko golle puuyɗe. Kono, huutortooɓe ngal ɓee kaɓii haa ngal heɓtinaama e nder aduna oo fof. "Graffiti", ko natugol e dow maadiiji, comci, ɗereeji e leydi ekn. Ɓee sukaaɓe mbaɗanta ɗum ko ngam hollude mette maɓɓe e ko moƴƴaa koo e nder renndooji maɓɓe. Eɓe holla kadi mette maɓɓe ko faati e dawro.Ko holɗe e ɓataake ɓuraa holleede e nder ngal ñeeñal bi'eteengal Graffiti? Holno jamaa oo jaɓɓorii walla yiiri ko ɓe hollata koo?E nder ndee yeewtere, mbismotoɗen ko Aamaadu Lamiin NGOOM, lollirɗo Dokta. Ko kanko sinci koolol paatungol e "Graffiti" baɗowol Senegaal, to suudu Pinal Duuta Sek.

27/05/2023 25:00
Ko mbiiɗon? Abdulaay BAH, omo golla e nder fedde nde wonaa lamuyankoore daraniinde taariindi wi'eteende "ACOREC" Hannde e alat 21 lewru 5ɓiru, en mbismoto e nder njuɓɓudi yontere ko Mbiiɗon? sukka ginenaajo bi'eteeɗo Abdulaay BAH, omo golla e nder fedde nde wonaa lamuyankoore daraniinde taariindi wi'eteende "ACOREC". O jaabo namnde men ko faati e golle fedde ndee. E Lolliinal Ko Mbiiɗon?, en njaɓɓoto sukka yimoowo ginenaajo ngandiraaɗo Baristo.

21/05/2023 25:00
Ko mbiiɗon? Gimɗi Slam, ko huunde nde sukaaɓe hannde darjini nde huutorta fii hollugol mbawka e miiji maɓɓe Hannde, e aset 20 lewru 5ɓiru, toɓɓere yeewtere men faati ko e gimɗi bi'eteeɗi "Slam". Fanu Slam wonii fanu ƴettirɗo kongol sukaaɓe. Holko waɗi sukaaɓe no cuɓii oo fanu e dow fanuuji walliforɗi goɗɗi ngam hollude miijo maɓɓe.E nder ndee yeewtere en njaɓɓoto Elhaj Umaar BALDE, badoowwo "Slam", jeyaaɗo Gine. Ko tergal e nder dental "Dimedi Slam". Dental ngal o sinciidi e Mammadu JENG. Anndinen, wonnde ko kamɓe heɓi poolgu e foolotiro Slam Afrik waɗnoongo e lewru 2ɓuru hitaande 2022, ɓe ngari kadi ɗiɗaɓo e foolotiro adunyankowo slam waɗnoongo e lewru 9 ɓuru nden hitaande, Briksel. En njaɓɓoto, kadi, Muusa MBAAY, badoowo slam ko o anndiraaɗo Fada Muusa, jeyaaɗo Senegaal. Oo sincii koolol "Slam" e nder wuro makko Lugge. Ngol koolol no wi'ee "Fada Slam Wallu Almuudu". E nder nde yeewtere ma en keɗto hen Adama SI, senegalnaajo, ɓurɗo lollirde e "Double Cerveau" badoowo Slam keɓtinaaɗo hannde e nder winndere ndee. Kanko sosi koolol "Slam et Legende". En keɗoto kadi, Hammet Aamadu LI, o artan en e taarika gimɗi slam.

20/05/2023 25:00
Ko mbiiɗon? Ko Kaalidu TALL, yimoowo, pijoowo gitaar jaɓɓiɗen e njuɓɓudi yonttere Hannde e alat,14 lewru 5ɓiru, eɗen jaɓɓii e nder estiyo rfi fulfulde, yimoowo, pijoowo gitaar, jeyaaɗo Senegaal. Innde makko Kaliidu TALL.

14/05/2023 25:00

Ndaarugol taƴe goɗɗe