Sehilaagal e giggol heɓiingol e dow mejaaji renndo

Heewii hannde anndodiirɓe tawa mejaaji rendo woni sabaabu. E nder ɗen heewɓe ina ndaña hen sehilaaɓe wallondiraaɓe e baŋŋeeji fof, heewɓe kadi ina njiɗondira e mum haa ɓee ndesndiira.Hannde toɓɓere Ko Mbiiɗon ko e ɗum faati.En njewtaan e sehilaaɓe walla yiɗindirɓe tawa ɓe ngandondiri ko e mejaaji renndo.Koɗo men e kaa taskaram ko Pisikolooguujo, bi’eteeɗo Gida Seya WAYGOLO. O jeyaa ko to Maali.E nder ndee yewtere e heɗoto jantoore nde nultoraaɗo RFI Fulfulde, David Mohamed waɗi ko faati e yiɗindirɓe tawa e ko e ballal mejaaji rendo ɗii ɓe anndindiri.E damal Lollinal Ko Mbiiɗon ma en keɗoo naalanke bii’eteɗo Kajjata BA. O jeyaa ko Mali.