Alhaali sukaaɓe rewɓe ƴettooɓe deedi saa'i nde janngata lekkol [ Oo taskaram ko fillitaaɗo]

Hito 25:00
Ƴettugol deedi sukaaɓe rewɓe janngooɓe no tawaa e burata ɓe yaltinde lekkol [natal yeru Benen].
Ƴettugol deedi sukaaɓe rewɓe janngooɓe no tawaa e burata ɓe yaltinde lekkol [natal yeru Benen]. © RFI/Raphaëlle Constant

Koɗo e nde yewtere  ko  jannginowo bi’eteeɗo Yaya MBAAY. Ko  Senegaal o jeyaa. Ko kanko ardii  duɗal jannde lesre to wuro wi’eteengo Lummbal Ballaji wonngo e nder diiwaan Matam, Senegaal. En keɗoto seeditande suka debbo, mo mowlaani innde mum ; o ƴettuno reedu tawi ko o janngoowo.Ngam laɓɓinde  ndee toɓɓere, en jaɓɓike Abdulaay JALLO  jeyaaɗo Burkina Faso. En keɗoto kadi cimtol nultondiraaɗo men Benen, Hammadi Aadamu ko faati e caɗeele ɗe  sukaaɓe rewɓe jogii e jannde maɓɓe e ɗee baŋŋe. E damal Lollinal Ko Mbiiɗon en njaɓɓoto suka bi’eteeɗo Pele Jaw omo dilla e fannu sinema.

Jeeyngal
Ko Mbiiɗon?

Neldee miijooji mon e dow tonngoode amen WhatsApp: +221772673131

Oɗon mbaawi jokkaade men e kelle Facebook e Twitter: RFI FULFULDE.