E nder yeewtere udditiinde hannde heɗiyankooɓe hollii miijo maɓɓe ko faati e kabaaruuji yontere

Saakitaama ñannde : 14/01/2022 - 17:27

Ka taskaram men On Tottaama Konngol hannde e aljuma 14 lewru 1ɓuru 2022, e nder ndee yeewtere udditiinde, on haali ko faati alhaali kabaaruuji feƴƴuɗi e nder ndee yontere. On waɗii naamne, on addii e ji’anɗe mon e toɓɓe ɗe yiɗuɗon heɗude fensitande e majje. Heɗitoɗee jeewte waɗaaɗe ɗee.

Jeeyngal

Hiɗon waawi neldude men lamndal ngal yiɗuɗon yo men jaabo e guurol.
Okkee miijo mon e ndee toɓɓere ka tongoode watshapp : 00221766441280.
Heɗee jeewte amen fow ka kelle amen Facebook e Twitter: RFI FULFULDE
On Tottaama Konngol ko ñalaande kala gila njamndi 13:15 faa 13:30 (GMT).

Golle : RFI Fulfulde

On Tottaama Konngol
Kabaaruuji Ɓeydiiɗi

Ndaarugol taƴe goɗɗe

On Tottaama Konngol Hannde e nder ndee yewtere udditiinde, heɗiyankooɓe hollii miijo maɓɓe ko faati e kabaaruuji ɗi ɓe yiɗi artude e mum e nder yontere nden Ka taskaram men On Tottaama Konngol hannde e aljuma ñannde 02, lewru 6ɓuru 2023, e nder ndee yeewtere udditiinde, on haali ko faati e alhaali kabaaruuji feƴƴuɗi e ndee yontere. On addii ji’anɗe mon e toɓɓe ɗe yiɗuɗon heɓude fensitande e majje. Heɗitoɗee jeewte waɗaaɗe ɗee.

02/06/2023 15:00
On Tottaama Konngol Afrik: alhaali waylugol dosngal ngol yoga e hooreeɓe leyɗe waɗata fii waɗugol mannda tataɓo Hannde e alkamisa, ñannde 1 lewru 6ɓuru 2023 ka taskaram On Tottaama Konngol, en yewti ko yowitii e alhaali hooreeɓe leyɗeele Afrik yiɗuɓe waylude dosngal leydi maɓɓe fii waɗude rogere (mannda) tataɓere. Wano Sentrafrik, Fosten Arkanj Tuwadera, hooreejo leydi ndin, mo manndaa mum ɗiɗaɓo timata e nder duuɓi ɗiɗi, no anniyii waylugol dosngal leydi makko. Woote referandoomje waylirɗe dustuuru Sentrafrik no happaa ñannde 30 lewru 7ɓuru e ndee hitaande nde wonɗe e mum. Koo o alhaali fewndii e nder leyɗeele Afrik goɗɗe, ka tawata ardiiɓe ɓen waɗiino walla no eɓɓi waɗugol rogere tataɓere.Ko honno ñaawirɗon oo alhaali dawro e caɗeele ɗe ɗum haɓɓodi? Holko waɗi si hooreeɓe leyɗeele Afrik no yiɗi heddaade ka laaamu? Ko honno oo alhaami mannda tataɓo haɓirtee e nder leyɗeele Afrik?

01/06/2023 15:00
On Tottaama Konngol Ko holɗum habborɗon ngal diisondiral ngal hooreejo leydi Makki Sall noddi ɓiɓɓe Senegaal e mum? Hannde alarba, 31 lewru 5ɓuru hitannde 2023 ka taskaram On Tottaama Konngol, en kaalii ko faati e alhaali renndo e dawro Senegaal. Diisondiral ɓiɓɓe Senegaal ngal Makki Sall, hooreejo leydi ndin noddi fuɗɗike e ndee alarbaare hannde ka suudu laamuyankooru Dakaar. Kono woɓɓe e hooreeɓe pelle lumndiyankooje hollii noototaako nduu noddaadu ardiiɗo leydi ndin. Ɓe anndinii wonnde ɓe tawetaake ka diisondiral. No jeyaa e ɓen Usmaan Sonko, Aminata Tuure e Decce Fall. Ɓe noddii tawtude kaaldal ngal cemmbe wuurɗe Senegaal noddirteeɗe F24 waɗata kañum kadi hannde.Ko holɗum habborɗon ngal diisondiral ɓiɓɓe Senegaal?Taw si ɗee jeewte waawan deeƴinde alhaali dawro Senegaal?

31/05/2023 15:03
On Tottaama Konngol Battane tuuɗe poore: ko holno ɗee bone haanaa haɓireede e ko holɗe e pehe fotaa e ƴetteede? Hannde e talaata, ñannde 30, 5ɓuru 2023 ka taskaram On Tottaama Konngol, on feññinani men ji’anɗe mon ko faati e boneeji ɗi tuundi poore addanta taariindi ndin. Fii kala leyɗe Afrik ɗuuɗuɗe no hetti sariya toŋŋuɗo ɗuncitorgol saaku poore, sabu battane mum e taariindi ndin, kono ɗum haɗaali oo poore no golletireede haa jooni. E bi'ol dental adunaaru tappitiingal taariinde, hitaande kala ko toonuuji poore miliyonji teemeɗɗe nayi e capanɗe jeego’o mberletee e keneeri ɗin. Ɗum no holli wonnde leyɗe Afrik siwaa seertude e boneeji poore jaaliiɗi hannde e nder adunaaru ndun.Ko holɗum dumcitorgol booto poore waawi battiinde e taariindi ndin? Ko honno oo alhaali haɓirtee?Ko pehe honɗe hooreeɓe leyɗeele mon ƴetti ngam haɗuɗe poore on e nder leydi mon ?

30/05/2023 15:00
On Tottaama Konngol Najeriya: ko holɗe e golle teeriiɗe Bola Ahmed Tinubu, hooreejo keso joɗɗiiɗo ka jappeere nden laamu hanki Hannde e altine, ñannde29 lewru 5ɓuru 2023 ka taskaram On Tottaama Konngol, en yewtii fii alhaali Najeriya ko faati e joɗɗinngol Bola Ahmed Tinubu hooreejo keso leydi ndin, e golle teeriiɗe mo e duuɓi arooji ɗin.Taw si Bola Tinubu, oo hooreejo keso Najeriya wawan haɓude rafi kisal e ndeenaagu jaaliigu hannde e nder leydi ndin?

29/05/2023 15:00

Ndaarugol taƴe goɗɗe