Eɓɓooje ɗe Joe Biden laamɗo keso on Amerik attii ƴettugol

Joe Biden no siifa ne dow finnde mum.
Joe Biden no siifa ne dow finnde mum. Jim WATSON AFP
Golle : RFI
3 mintj

E nder ɗen eɓɓooje mawɗe, artugol Amerik e kawral Paris ko yowitii e weeyo, artugol Amerik e nder dental cellal adunayankowal (OMS).Fii haɓɓugol nguu ñawu koronawiriis, wongu sabu yimɓe ujune teemeɗɗe nayi maayugol, o waɗay sari’a yamirɗo waɗtagol cuumi e nder diiwe mawɗe ɗen e gollanooɓe laamu ngun.Ngam hoynanngol ɓee yimnɓe ɓe koronawiriis haɗi ngartam walla njoddi, o ɓeyditay wakati mo yaltinngol ɓee ɓe yoɓaali coggu suuɗu mun. O dartinanay kadi janngooɓe ɓen yoɓugol ñamaale maɓɓe.Joe Biden waɗii cippirgol ngam waylugol nguleeki weeyo faandaare makko ɓurnde e hittude e nder happu makko.Tippude e ɗum, o nelday ONU, gila e alarba ɓatakuru hollundu faale Amerik artugol e Kawral Paris e nder lewru. Ko ɗum holli Gina Makarti halfinaaɗo nden toɓɓere e ɓen jeyaaɓe e ngoomu makko.O ittay sari’a ɗanngal mo Donald Trump waɗunoo,  Sari’a haɗuɗo ɓiɓɓe leyɗe julɗe naatugol Etaasini. O waɗay batte jonngo kadi fii dartinngol golle ɓantogol mahdi ka keerol hakkunde maɓɓe e Meksik.O artiray potal hakkunde ɓaleeɓe e ranee Etaasini.