USA: Donanld TRUMP no tuumiraa nguyka saggalle

Donald TRUMP, hooreejo kiɗɗo Amerik on
Donald TRUMP, hooreejo kiɗɗo Amerik on NICHOLAS KAMM AFP

Suudu mawndu ñaawirndu  ndun Amerik salike e altine, wullitannde maa faale, Donald Tump haɗude porokirerjo Manhattan on ndaarugol  maraaɗi kontabiliteeji makko. Gila lewru 7ɓru hitaande feƴƴunde, Suudu ñaawirndu ndun yamirno Donald Trump addugol kaydiiji kontabiliteeji makko. Kono awookaaɓe makko fewjani mo wonnde, wota o jonnu piile lamndaaɗe ɗen fow.Ko ngol piilol woni alhaali ɓurɗo hulɓunaanaade Donald Trump, jeyaaɗo e fedde Republiken’en. Suudu ñaawirdu ndun jaɓaali kadi ittutugol finnde ñaawoowo yamirnoonde o kabinee Mazars jonnugol kaydiiji saggalle e konti-bankiiji makko,  porokireerjo on Manhattan, ɗii duuɓi jeetati sakkitiiɗi.  Timmii lebbi buuy gila porokireerjo on fuɗɗii tefude tuumannde guuyaale saggalle, assiransiiji e kontuuji bank fewtunde Donald Trump e sosiyete makko noddirteeɗo  Trump OrganizationLewru 9ɓru, ndee jaaynde New York Times holluno wonndude e daliilu kaydiiji, ko honno Donald Trump fuutornoo yoɓugol saggalle keɓal makko e nder ɗii duuɓi sakkitiiɗi ɗoo.Dolnald Trump townuno  fiiraaji goɗɗe e jeyanɗe makko ngam o waawa ñawlaade e dow tonanɗe famɗuɗe, tawa kadi no ɗuytanii mo saggalle cuuɗi makko.