Riisii: yimɓe njeenayo toŋanaama Erop e USA, jeye maɓɓe falaama

Ujune neɗɗo, seppuno Mosku 23/01/2021, ngam wallude Navalny
Ujune neɗɗo, seppuno Mosku 23/01/2021, ngam wallude Navalny AP - Alexander Zemlianichenko

Ɓee hooreeɓe riisinaaɓe njeenayo ɓe Bruksel e Washington yaggini, no toŋŋanaa huutorde jawle maɓɓe walla maraaɗi maɓɓe wonɗi Amerik e Orop. E hiɓɓe toŋanaa naatugol e ɗen leyɗe kadi.

Jeeyngal

E alarba, Peskov wowloowo e innde laamu Riisii  holluno wonnde ɓe jaɓaali ɗee yagginaaɗe. O wi’i: Ɗum ko huunde ɓeydaynde bonnugol huuwondiral hakkunde Riisii e Eropnaaɓe e Ameriknaaɓe. Huuwondiral ngal kelɗaano hakkunde maɓɓe, gila law, sabu anngal nantondiral maɓɓe e piile mawɗe aduyankooje goɗɗe. E bi’ol makko Riisii kañun kadi fodii ƴettugol pehe yottorɗe.

O ñaawii ngol tuumol wi’ugol ko sewisi FSB toppitiiɗo ndenaangu ñaamini poson Navalny ko huunnde hulɓiniinde.

  E talaata feƴƴunde, Jagorngal riisinaaɓe halfinaangal  huuwondiral hakkunde Riisii e leyɗe janane,  holluno e nder ɓatakuru wonnde,  Amerik ukkitike e alhaliiji leyedi maɓɓe. O wi’i: ɓe hiway  e ɓe daranto nafooreeje maɓɓe ɗen.

Nangugol Navalny wonii sabu seppooji ɗuuɗuɗi. Ko timmu yimɓe ujune sappo e go’o nanngaama e battane majji. Mojoɓere Erop (EU) e USA no torii yo Navalny accite ko yaawi sut.