Hooreejo leydi Ruusiya Wladimir Putiin ƴetii kongol hanki

 Vladimir Putiin, E yewtere makko hitaandeyankoore nde o waɗi yeeso ɓiɓɓe leydi, Mosku 21/ 4/ 2021.
Vladimir Putiin, E yewtere makko hitaandeyankoore nde o waɗi yeeso ɓiɓɓe leydi, Mosku 21/ 4/ 2021. AP - Alexander Zemlianichenko

Ka mbatirdu ngenndiiru yeesso sarɗinkooɓe e jaagorɓe leydi ndii. Yewtere nde o woowi waɗude hitaande kala. Ɗum non ko jonnude eɓɓooje laamu makko. E ɗum o fodii, ayɓe makko taweteeɓe e kawtal leyɗe Orop yottagol muusungol si ɓe ɗaɓɓitiimo. Fewndo ɗon lunɗiiɓe makko waɗi seppo ngam Aleksi  Nawalny, sokaaɗo kaso accitee. E ɗin seppooji ko ɓuri yimɓe ujunere e teemede ɗiɗi fawaama jungo. Ngal huccondiral Wladimir Putiin e depiteeɓe ko e saha mo pooɗondiral taskaa hakkunde Ruusiya e leyɗe Orop. O waɗii eraango faaɗe e ɗen leyɗe wonde, to ɗe yawtu ciifol boɗewol ngol e leydi Ruusiya. E ɗum o andinii kadi no woodi leyɗe wano ɗental leyɗeele Amerik woowuɗe jukkude  Ruusiya haa ɗum adana caɗeele fagudu leydi ndi, hara e wi’i makko ko alaa wonanaa. Kanko Wladimir Putiin o anndini kadi o sembinay darnde makko ngam haɓude mbaylaari weeyo. Kono ko o adori ka yewtere makko ko ñawu koronawiriis. Ɗon o weltanike safrooɓe leydi ndii, kono kadi o holliri e nden yewtere nafa marke sputnik V ka haɓɓugol laygol rafi koronawiriis e nder adunaaru ndu fuu. O waɗii kadi eraango e ɓiɓɓe leydi ngam yo ɓe ŋeeso (marko/ peso) no yamiraa.