Beshir Ben Yahmed sosuɗo walla sincuɗo jaaynde "Jeune Afrik" maayi hannde Paris

Bechir Ben Yahmed, puɗɗuɗo  Jeune Afrique, nder golloorde mu to Paris, rue d'Auteuil, e 2010.
Bechir Ben Yahmed, puɗɗuɗo Jeune Afrique, nder golloorde mu to Paris, rue d'Auteuil, e 2010. Vincent Fournier/JA

Jaaydeyanke Beshir Ben Yahmed hooreejo jaaynde "Jeune Afrik" kiɗɗo maayii hannde Paris. O maayidii e  duuɓi cappanɗe jeenay e tati. Ñawu koronawiris woni sabu makko. Heɗoɗee  jantoore Minati DIALLO

Jeeyngal

Beshir Ben Yahmed jibinaa ko Tinisi, 2 lewru 4ɓuru e hitaande ujunere e teemeɗɗe jeenay  e nogay e jeetati. Omo jogii sedantaagal lekkol Njeygu. O haɓanii ndiimaku, Beshir Ben Yahmed,ana tawanoo e guwerneman Habib Burgiba .

O halfinanooma jaagorgal toppitinoongal kabaaruuji leydi ndi gila hitaande ujuneere teemeɗɗe jeenay e cappanɗe jowi e jeegom haa e hitaande jokkunde en nde.

Caggal sincugol mo  jaaynde arandeere e hitaande ujunere e teemeɗɗe jeenayi e cappanɗe jowi e jeegom, e hitaande ujunere e teemeɗe jeenay e cappanɗe jeegom o fuɗɗi to Tunis Afrik Aksiyon innitiraande Jeune Afrik e hitaande jokkunde ndee.

Ndee jaaynde waɗanooma ngam walude  yirwere leyɗe e duuɓi ujunere e teemeɗɗe jeenayi e cappanɗe jeegom, Jeune Afrik tawdaama e golleeji mawɗi e tarik ruuɗe nde, sabu wanaa hannde nde fuɗɗii walude fii ɓamtaare leyɗe e kumpite.

Ñawu Koronawiriis caɗeele munm waasali yottaade e golleeji ndee jaaynde sabu e hitaande ƴaɓɓiinde hooreeɓe Jeune Afrik ɓuyti e annditingol mun kabaruuji noogay e go’o e ley teemedere e cappanɗe tati e nayi.