Ngarmi ngaraaji hakkunde polisiiɓe Israel e palestinnaaɓe no jokki e diiwal Jerusalem

(natal yeru)palestinaaɓe na njuula, dadiiɓe Israel na pella ñande  8 5ɓuru 2021.
(natal yeru)palestinaaɓe na njuula, dadiiɓe Israel na pella ñande 8 5ɓuru 2021. REUTERS - AMMAR AWAD

Hakkunde dadiiɓe Israel e palestinaaɓe ngarme ngaraaji ɗin no jokki  e diiwal Jerusalem caggal bommbuuje ɗi Gaza weddi Israel e kadi piyande ɗe israel ngaɗi e dow fedde Hamas. Ko jaasaani yimbe noogay waasi pittaali mum en e nden hare. E nder maɓɓe na sukaaɓe njeenayo e gooto e ardiiɓe dadiiɓe fedde Hamas. Ɗuum non ko koonunkooɓe leydi Israel tuuma e ɗen pyanɗe waɗaaɗee ka juulirde Jerusalem. Abdullay JALLO.

Jeeyngal

E ɗuum hooreejo jaagorɓe Benyamin Netanyaou hollitii wonde pelle faynyankooɓe ɓen lummbii ciifol boɗewol ngol waɗanoo ngol caggal nde ɓe ngaɗi piyande e diiwal Jerusalem

Jaagorɗo dental leyɗeele Amerik halfinaaɗo jokkondiral e leyɗe janane Antony Blinken waɗii eeraango faade e Palestine e Israel ngam yo ɓe accu hare nden, fii no jam e kisal arta e oon nokku.

Josep Borell halfinaaɗo kala ko faati e jokkondiral hakkunde kawtal leyɗeele Erop e leyɗe goɗɗe, holliti  annde makko caggal nde ɓe rattii yoga e ɓesnguuji Palestine e wi’i makko ɗum non tawaaka e ɗoftagol hakkeeji neɗɗo wano sarɗiiji fedde adunaaru ndu yamiri..