Diftagol Oliwiye Dibuwa, mottondiral ballal waɗii Paris e Bamako

Teemeɗɗe yimɓe mooɓondirii  e tannde wi'eteende "Repiblik" hollugol ballal maɓeɓe e oo jaayndeyankeejo O. Dibuwa,  nangaaɗo Mali gila lebbi ɗiɗi.
Teemeɗɗe yimɓe mooɓondirii e tannde wi'eteende "Repiblik" hollugol ballal maɓeɓe e oo jaayndeyankeejo O. Dibuwa, nangaaɗo Mali gila lebbi ɗiɗi. © David Baché/RFI

Timmii lebbi ɗiɗi hannde, gila oo jaayndeyankoojo faransinaajo ciwlaa to rewo ( nano) Mali. Himo yahunoo waɗugol jantoore Gawo, tawi himo habbinoo maakodude ( yewtidude) kanko e  tawaaɗo e dental inndeteengal, Ngoomu Wallooɓe Lislaamu e Julɓe. Ko humondirɓe Alqa'ida e nder Magreb. Gila ɗum, o ɓanngii e nder mbodo ( widiyo), o sifii e nder maggo wonnde ko ngal dental ciwlii mo. Ɗum timmii hannde lebbi ɗiɗi gila o nangaa. Ko ɗum waɗi haa RFI no tottata konngol, hiɓɓiiɓe mo hannde, jortagol wonnde Oliwiye nanay ɓe.