Faransi: Pelle dowro hollii mettu-ɓernde e liggitere nde hooreejo leydi waɗa nden

Natal yeru
Natal yeru Ludovic Marin / AFP

Caggal  nde Emmaniyel Makron bantaa  e nder njillu makko to Drome Faransi,  yoga e dawroyankooɓe leydi ndii  kollitii mettu-ɓernde maɓɓe ɗum. Olel TALL

Jeeyngal

Konngol ngol ko gootol wonande  laamu  e lumndiiɓe laamu fof kollitii mette maɓɓe e ngoo banto ngo laamɗo Faransi bantaa ngon. Feccere maɓɓe mbinndii  e mejaaje renndo Twitter waaɓeno Gerard Larsher hooreejo fedde repiblik'en to Sena, Oliwiye, Foor kolaaɗo kuuɓal fedde sosiyalist'en (PS) J. L Melanshon e wa'uɓe wano maɓɓe.

Hooreejo jaagorɓe Jean KASTEKS noddii e immital ngenndi.

Faransuwa Holland laamɗo Faransi kiɗɗo wi'i wonnde: "fitina e dow laamɗo leydi, firti ko waɗannde muusunde e ko metti leydi ndii fof, ɗum no jeyaa e yannde e tugaale laamu, o noddi yo yimɓe ɓen  hollu sunaare maɓɓe e ko Emmaniyel Makron waɗaa koo. O wi'i  ” Miɗo wondi e makko e ɗee  mette”.

Mariin Lopen wi’i wonnde kanko woni lumndiiɗo Emmanuel Macron arano kono o yiɗanaa mo ko wa'i hono ɗum.

Siftinde waɗuɓe ɓee no e juuɗe poliisiiɓe ɓen. Ko worɓe ɗiɗo Arthur C e Damien T yaaranɓe e duuɓi 28 mbaɗi ɗum. E konngol porokireerjo: anndako taho, holko sabu ɓe mbaɗi ɗum. Ngal baɗal haɗaano laamɗo leydi ndii jokkude njillu makko.