Dental G7 timmii e aadiiji ko faati e haɓugol Koronaawiriis e walla taariindi

Hooreeɓe  G7 Natal ɓeynguure dental ngal. " Carbis Bay, " Beretaniya 11 6ɓuru  2021.
Hooreeɓe G7 Natal ɓeynguure dental ngal. " Carbis Bay, " Beretaniya 11 6ɓuru 2021. AP - Patrick Semansky

Pesi fii haɓugol ñawu koronaawiiris, kadi haɓugol mbayliigu weeyo. Ɗum woni toɓɓe fottanaaɗe ɗen e nder ngal tumnbindiral G7 gasungal hanki to beretaniya . jantoore Ummu BAH

Jeeyngal

Fii haɓugol ñawu koronaawiiris, G7 fodii senndugol pesi ko ɓuri miliyaaru gooto.

Ɗum ko ɗoo e hitaande ujune ɗiɗi e noogay e ɗiɗi. Ko non holliri Boris Johnson gooto e hooreejo ngal tumnbondiral . Hella miliyonji teemeɗɗe jeetati e cappanɗe jeeɗiɗi pesi, no waawa wonnde hara ko yo ɓe jonnu mbuuɗi ballal ko soodiree. Dum ɗon kadi wonay aadi ndi ɓe ƴetti fii haɓugol ñawu koronawiris ko yoni miliyaaruji ɗiɗi pesi gila ndee nawnaare fuɗɗii.

Faransi kañun kadi hollii ɓeydii ka fodunoo ɗon. Jooni ko marke miliyonji cappanɗe jeegoo ɓe jonnata ɗoo yo ndee hitaande ɗoo timmude.

Ɓee yeesooɓe fottuɓe lamndike fedde daraniinde cellal OMS, waɗugol teforee fii anndugol no koronaawiiris heɓori Siin.

E ɓaawo ɗum yo jawle ɗaɓɓe fii eɓindagol moƴingol pesi e ɓeydugol taskagol fii ɗen marke.

Ɗee leyɗe G7 aadino yaltingol juuɗe maɓɓe ɗen e gaas karbonne ɗoo e hitaande ujune ɗiɗi e cappande jowi. Ɓe ɗuytay kadi e nder teemederewel cappanɗe jowi e CO2; ɗum ko ɗoo e hitaande 2030.

Ɓe ƴettii ahdi kadi fii toŋugol otooje jeesel e esansi e waɗugol ƴanngal hella otooje uyki (kuuran). Ko faati e noonenteendi tagu, ɓe fodii 30% leyɗe ɗen e maaje ɗen. ɗoo 2030.

Ɓe heyɗintinii  fodaari mooɓugol miyaaru 100 dolaar ɗoo e 2025 ko ɓe wallira leyɗe waasuɗe ɗen no waɗira ƴanngal uyki maɓɓe.