Koolaaɗo laamu Amerik kiɗɗo, Kolin Powell maayii, ko Kowiid-19 woni sabu makko

Jaagorɗo Kiɗɗo Amerik halfinaaɗo huuwondiral Amerik e leyɗe janane. Washington, 30 9ɓuru 2015. © Jonathan Ernst, Reuters

Koolaaɗo laamu Amerik kiɗɗo, Kolin Powell fewndo laamu G. Bush maayii, tawi himo jogii duuɓi cappanɗe 84. Ko woni sabu makko ko ñawu Kowiid-19. Ko ɗum holliti ɓeynguure makko hannde e altine 18 lewru 10ɓuru. Hooreejo leydi kiɗɗo G. Bush siforii mo "yannganiiɗo laamu kelɗuɗo e tedduɗo". Ko kanko woni arano e Afrik-ameriknaajo  wonuɗo hooreejo dipolomasi Amerik.

E hollitol, ɓeynduure makko wi'i wonnde, ɓe hayrii moodi, baabaajo e maamaajo moƴƴo, giɗo e ɓiɗɗo Amerik mawɗo. Ɓe ɓeydi wonnde Kolin Powelle hari ko markinooɗo haa timmi.

Kolin Powell maayi e suudu ñawndirdu no innee "Walter Reed", ko e mayru ko ɓuri ɗuuɗude e hooreeɓe Amerik ñawndetee.

Ko o Jeneraaljo mo koode nayi konu njoordi. Ko kanko woni arano e afrik-ameriknaajo wonuɗo hooreejo konu Amerik fewndo hooreejo leydi G. Bush baabaajo on. O woni hooreejo Dipolomasi Amerik fewndo laamu Bush ɓiɗɗo.  Himo tawanoo e ɓurɓe daranaade hawre Irak e hitaande 2003.