Cukku-hooreejo Amerik juurike Faransi fii semmbingol nanondiral leydi makko e Paris caggal alhaali sumaaarenji
Saakitaama ñannde :
Cukko hooreejo Amerik, "Kamala Harris" hewtii e talaata hanki Paris, ko fii moƴƴintingol hakkunde Faransi e Amerik. Leyɗe ɗen ɗiɗi no hutondiri ka baŋŋe huuwondiral ɗum ko gila Amerik janfii Paris e ahdal Faransi Ostaraaliya fii moƴƴingol laaɗe ndiyam haɓirɗe sumaarenje. Faatumata SI SAAWAANE
Caggal nde "Kamala Harris" cippii ka aeropoor Orli, o yahii ka "Insiti Pasteer" ngam yiidugol e wiɗtiyankooɓe faransinaaɓe e ameriknaaɓe gollooɓe e dow ñawu koronawiriis. Lewru ƴaɓɓiindu nduu, Amerik e Ostaraaliya janfino Paris e nder ahodal moƴƴingol laaɗe ndiyamje haɓirɗe no wi'ee sumaaren. Ɓe fiiɓii walla waɗii finnde wallindiral e baŋŋe deenaangu e nder maayo paasifik kammɓe e Beretaaniya. Ɓe noddiri nden finnde AUKUS.
Ado Kamala Harris, Antonii Bilenken koolaaɗo kuuɓal laamu Amerik halfinaaɗo huuwondiral hakkunde USA e leyɗe goɗɗe, e Jak Sulliwan golloowo ko faati ndenaagu Amerik, ɓee fow lontondirii argol Paris ngam ñippugol seytaane walla tikkere nde Faransi jogii. Joe BIDEN hooreejo Amerik kadi yiidiino e hooreejo Faransi Emmaniyel Makron to Room, heɓii balɗe sappo. Ɓe fotti wonnde guwerneman makko on waɗii golle jiiɓiiiɗe walla ɗe feewaali e o alhaali laaɗe ndiyam.
Hannde Kamala yewtidal e Emmaniyel Makron ko faati e diiwal Endo-paasifik, deenaangu Orop e fii cellal adunaaru.
E alkamisa ñannde 11 Kamala juuroto ka berɗe konunkooɓe Amerik to Suresnes sera Paris si o yaha o tawee tummbondiral jeewte fii ɓuttu. E aljuma Kamala yahay tawtoree tummbondital adunayankowal e yewtere fii Libiya, ko faatii e suɓungooji hooreyaaku leydi ndin e ɓee ka suudu sarɗinkooru.