No jeyaa e kabaaruuji winndere ɓurɗi e battinde e nder ndee hitaande 2021
E nder ndee hitaande ujune ɗiɗi e noogay e go’o, kabaruuji winndere yankooji ɗuuɗuɗi yawtii. Meɗen artana on e goɗɗi e majji, ɓurɗi e battinde yeru : ardu Joe Bayden ka laamu, alhaali sumarenji hakkunde Faransi e ostraliya e hawre nden hakkunde Belaruusiya e PolooñFaatumata SI SAAWAANE.
Saakitaama ñannde :
Ndee hitaande ujune ɗiɗi e noogay e go'o, ko ardu Jo Bayden ka laamu Amerik lewru go’aɓuru fuɗɗori. Ɗuuɗuɓe weltorno ko nguu laamu Amerik iwi e juuɗe Donal Tromp. Leyɗeele goɗɗe kadi heddoraano ɓaawo e hollugol tama’u majje ko yowitii e huuwondire ɗen hakkunde majje e Amerik. Ɗum ko nde Bayden anndini wonnde leydi makko ndin artay e kawre winndereyankooje ɗe Trump yantinnoondi e mum. Yeru: karwal Paris ko faati e mbayliigu weeyo. E kadi etoto artirgol potal hakkunde raneeɓe e ɓaleeɓe usa.
Kaɓaru goɗɗo hittuɗo Amerik no yowitii e yaltugol konunkooɓe Amerik e nder Agnistan, ñannde cappanɗe tati lewru jeetataɓuru. Leydi to ɓe waɗi duuɓi noogay. Ko caggal nɗum Taaliban’e heɓi doole hettugol laamu Afganistan.
To Erop kan kabaaru ɓurɗo hittude e nder hitaande nden, ko alhaali caɗeele e dow ɗanle ɗe rewaa sariya. Haa hannde hawre nden no jokki hakkunde polooñ e Belaruusiya. Polooñ e no tuumiri Aleksandr lukacenko lumbinirgol ka keerol hakkunde maɓɓe ɗanniyankooɓe iwruɓe “Moyen Orient”.
Alhaali kesso goo kadi no yowitii e ndee hawre e dow sumarenji waɗunde hakkunde Faransi e Ostraliya gila ñannde sappo e jowi lewru jenayaɓuu. Dun ko caggal nde Ostraaliya jáɓiti aadodal moƴiingol ɗin samaarenji e juuɗe Faransi ɓe jonna Amerik
Hayti kadi wonaali caggal e ɗii kaaruuji winndere, . Sabu leyɗi ndin feƴƴinii caɗeele ɗuuɗuɗe e nder hitaande nden, tentinii ka banŋe dawro. Maayde Jowenel Moyiis.
Birmaaniya kadi, dabbuno e ndee hitaande. Ciwlere laamu waylituno Anng San Suki. Gila ɗum himo e nder kaso.