Liberia-Ebola

Liberia ta sake kubuta daga cutar Ebola

Jami'an dake yaki da cutar Ebola a Liberia
Jami'an dake yaki da cutar Ebola a Liberia REUTERS/Daniel Berehulak/The New York Times/

Hukumar lafiya ta Majalisar Dinkin Duniya ta sake bayyana cewa Kasar Liberia ta kubuta daga cutar Ebola.

Talla

Hukumar ta sanar da haka ne a yau Al-hamis bayan kwanaki 42 da aka gudanar da bincike kan mutum na karshe da ake zaton na fama da cutar.

A watan Mayun daya gabata ne Hukumar lafiyar ta ce Liberia ta kubuta daga cutar yayin da ta sake bullowa bayan makwanni 6 da sanarwar.

Hukumar dai ta yaba da kokarin da Liberia ta yi na daukan matakan gaggauwa domin yakar cutar bayan mutane 6 su kamu da ita tare da kashe mutane 2 dabam.

Kasar Liberia dai na cikin jerin kasashen yammancin Afrika da cutar ta fi yiwa illa tun loacin da ta yadu sosai a shekarar 2013 , inda ta kama mutane dubu 28 tare da kisan sama da mutane dubu 11 a kasashen Guinea da Saliyo harma da Liberia.
 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.