An yi tsafi da yara kanana don samun nasarar zabe

Shugaba Yoweri Museveni na Uganda RFI

Kungiyar kare hakkin kananan yara ta Charity ta ce, an samu rahotanni daga Uganda da ke nuna cewa an yi tsafi da kananan yara a lokacin zaben shugabancin kasar.

Kungiyar ta ce wannan dai bashi bane karon farko da ake yin hakan don kuwa an saba ganin wanann al’amari a lokutan zabe.

Wasu ‘Yan siyasa a Uganda sun yi imani cewa hakan zai ba su nasara a zaben.

Tsafi da sassan jikin mutum babba ko yaro dai daddiyar dabi’a ce a tsakanin wasu al’ummar kasashen Afrika.