An yankewa Hama Amadou hukuncin daurin shekara guda a gidan maza

Hama Amadou,tsohon Shugaban Majalisar dokokkin Nijar AFP PHOTO / ISSOUF SANOGO

Kotu a Jamhuriyar Nijar ta yanke hukuncin dauri na shekara guda a kan tsohon shugaban Majalisar dokokin kasar Hama Amadou wanda bayan da aka same shi da laifin sayo jarirai biyu daga Najeriya. 

Da farko masu shigar da kara sun bukaci a yanke wa Hama Amadou hukuncin daurin shekaru 3 tare da hana shi rike mukamin siyasa har na tsawon shekaru 5 har aka same shi da laifi.

To sai dai lauyoyin da ke kare shi sun fice daga zauren shara’ar saboda a cewarsu an kauce wa ka’ida. To sai dai magoya bayan Hama Amadou na kalon hukunci a matsayin siyasa.