Isa ga babban shafi
Tunis

Jami'an tsaron Tunisia sun cafke karin mutane 150

Daruruwan 'yan kasar Tunisia yayin da suke jifa da duwatsu kan jami'an tsaro, a lokacin zanga-zangar adawa da matakin gwamnati na kara yawan kudaden Haraji.si
Daruruwan 'yan kasar Tunisia yayin da suke jifa da duwatsu kan jami'an tsaro, a lokacin zanga-zangar adawa da matakin gwamnati na kara yawan kudaden Haraji.si REUTERS/Zoubeir Souissi
Zubin rubutu: Nura Ado Suleiman
Minti 2

Jami’an tsaron Tunisia sun sake kame Karin mutane 150, ciki har da ‘yan jam’iyyun adawa, yayin da dubban ‘yan kasar ke cigaba da zanga-zangar adawa da matakin gwamnati na kara yawan kudaden haraji, da kuma na kayan masarufi.

Talla

Zuwa yanzu akalla mutane 800 kenan jami’an tsaron na Tunisia suka kama cikin wannan mako.

A ranar Litinin zanga-zangar da ta juye zuwa tarzoma ta bazu zuwa sassan kasar, lamarin da ya haddasa kone gine-ginen gwamnati masu yawan gaske, hakan kuma yasa gwamnati aikewa da sojoji domin murkushe tarzomar.

Har yanzu dai akwai sauran rina a kaba, kasancewar ‘Yan adawa da kungiyoyin fafutuka, sun yi kira ga dubban ‘yan kasar da su gudanar da wata gagarumar zanga-zangar a babban birnin kasar Tunis, a gobe Lahadi.

Ranar zata zo dai dai da cika shekaru 7 da kawar da gwamnatin shugaba Zinel-Abidine Ben Ali, shugaban kasar Larabawa na farko da 'yan kasarsa suka gudanar da gagarumar zanga-zangar da ta yi sanadin rushe gwamnatinsa a shekarar 2011.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.