Isa ga babban shafi
Najeriya-Katsina

Osinbajo na ziyarar jaje a jihar Katsina

Kimanin gidaje 200 suka rushe a ambaliyar jihar Katsina
Kimanin gidaje 200 suka rushe a ambaliyar jihar Katsina rfihausa
Zubin rubutu: Azima Bashir Aminu | Abdurrahman Gambo Ahmad
1 min

Mataimakin shugaban Najeriya Farfesa Yemi Osinbajo ya ziyarci Katsina don jajanta wa al'ummar jihar bisa ibtila'in ambaliyar ruwa da ya hallaka mutane kimanin 50, yayin da gidaje sama da 200 suka rushe, lamarin da ya raba dubban mutane da muhallansu.

Talla

Shugaban Najeriya Muhammadu Buhari ya bayyana damuwarsa kan aukuwar lamarin, in da gwamnatinsa ta yi alkawarin taimaka wa wadanda abin ya shafa.

Shugaban Hukumar Agajin Gaggawa ta Jihar Katsina Aminu Waziri, ya ce an samu ibtila'in ne  a karamar hukumar Jibia sakamakon ruwan da aka tafka a ranar Lahadi a garuruwan Tundun Tikari da Dan Tudu da Unguwar Kwakwa da Unguwar Mai Kwari.

Rahotanni na cewa, ambaliyar ta kora gawarwakin mutane har cikin Jamhuriyar Nijar,  yayin da tuni aka yi jana'izar wadanda suka rasa rayukansu.

Jami’in ya ce ruwan ya kuma lalata gonakai da dama baya ga kashe daruruwan dabbobi.

Shugaban hukumar agajin gaggawan ya ce tuni aka tura jami’an agajin gaggawa domin taimakawa mutanen da yankin da abin ya faru.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.