Najeriya-Gombe

An samu barkewar cutar Kwalara a jihar Gombe ta Najeriya

A baya-bayan nan dai ana ci gaba da fuskantar barkewar cutar ta Kwalara a sassan Najeriya.
A baya-bayan nan dai ana ci gaba da fuskantar barkewar cutar ta Kwalara a sassan Najeriya. REUTERS/Philimon Bulawayo

Hukumomin Lafiya a jihar Gombe da ke Tarayyar Najeriya sun tabbatar da mutuwar akalla Mutane 5 yayinda wasu 16 kuma yanzu haka ke karbar kulawa a Asibiti sakamakon barkewar cutar Kwalara a wasu sassa na jihar.

Talla

Dr Nuhu Bile wanda ke matsayin mukaddashin shugaban sashen kula da cutuka masu saurin yaduwa na jihar ya shaidawa kamfanin dillancin labarai na Najeriya cewa tun a cikin watan Octoba aka fara samun wadanda suka kamu da cutar ta Kwalara.

Dr Bile ya ce cutar ta fi tsananta ne a yankin Kembu na karamar hukumar Balanga da ke jihar yayinda yanzu haka marasa lafiyan ke ci gaba da karbar kulawar gaggawa don ceto rayukansu.

A cewarsa a aikin hadin gwiwar da suka gudanar da hukumar lafiya ta duniya WHO a yankin da aka samu bullar cutar sun yi nasarar magance cutar kan mutane akalla 70 yayinda wasu daga ciki suka mutu tun a watan Oktoba.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.