Isa ga babban shafi
Rwanda

Rwanda na makokin mutane dubu 800 da aka hallaka a kisan kiyashin kasar

Wasu shugabannin Afrika yayin kunna fitilar makokin na kwanaki 100 kan kisan mutane dubu 800 shekaru 25 da suka gabata
Wasu shugabannin Afrika yayin kunna fitilar makokin na kwanaki 100 kan kisan mutane dubu 800 shekaru 25 da suka gabata AFP
Zubin rubutu: Azima Bashir Aminu
1 Minti

Kasar Rwanda ta kaddamar da zaman makokin kwanaki 100 don tunawa da mutanen kasar sama da dubu 800 da aka hallaka a kisan kiyashin da ya gudana shekaru 25 da suka gabata, abinda ya girgiza Duniya baki daya.

Talla

Shugaba Paul Kagame ya kunna fitilar tunawa da mamatan wajen wani biki da ya gudana a Kigali, inda ake zaton an birne akalla mutane dubu 250 da suka mutu a rikicin.

Bikin ya samu halartar shugabanin kasashen Chadi da Nijar da shugaban kungiyar kasashen Afirka Moussa Faki Mahamat da Jean Claude Juncker shugaban kungiyar Turai da Firaministan Belguim, Charles Michel.

Bayan kunna fitilar wadda za ta kwashe kwanaki 100 tana ci, shugaba Kagame ya bayyana cewar, babban abin misali da za’a samu daga labarin Rwanda, shi ne fata mai kyau ga aikin su ke.

A cewarsa babu wata al’umma da ta wuce a gyara ta, haka zalika ba’a taba kawar da mutuncin jama’a baki daya.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.