Isa ga babban shafi
Algeria

Yan sandan Algeria sun damke kanin tsohon shugaban kasa

Tsohon shugaban Algeria Abdelaziz Bouteflika tare da kaninsa Sa'id Bouteflika a birnin Algiers. 10/4/2009.
Tsohon shugaban Algeria Abdelaziz Bouteflika tare da kaninsa Sa'id Bouteflika a birnin Algiers. 10/4/2009. Reuters/Zohra Bensemra
Zubin rubutu: Nura Ado Suleiman
1 Minti

Yan Sandan Algeria sun kame Sa’id Bouteflika, kani ga tsohon shugaban kasar Abdulaziz Bouteflika da yayi murabus bisa tilas.

Talla

Sa’id Boutaflika ya shafe sama da shekaru 10 a matsayin mai baiwa tsohon shugaba Abdel Azizi Bouteflika shawara, wanda ake ganin ya taka rawa sosai wajen tafiyar da mulkin Algeria, a lokacin da yayansa ya kamu da cutar mutuwar barin jiki a 2013.

Yan sandan na Algeria sun kuma damke wasu tsaffin manyan jami’an sojin kasar guda biyu da ke sashin binciken bayanan sirri, da suka hada da Janar Bachir Athmane Tartag da Muhd Mediene.

Jami'an tsaron sun ce an kame tsaffin kusoshin gwamnatin Bouteflikan ne domin amsa wasu tambayoyi da suka danganci yadda suka tafiyar da mulkin kasar.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.