Isa ga babban shafi
Wasanni

Najeriya ta lashe kofin gasar kwallon kwandon mata

Tawagar kwallon kwando ta Najeriya D' Tigress, bayan lashe kofin gasar kwallon kwando ta nahiyar Afrika.
Tawagar kwallon kwando ta Najeriya D' Tigress, bayan lashe kofin gasar kwallon kwando ta nahiyar Afrika. Pulse/FIBA
Zubin rubutu: Nura Ado Suleiman
1 Minti

Tawagar kwallon kwandon Najeriya D’ Tigress ta sake lashe kofin gasar kwallon kwandon Nahiyar Afrika ta mata.

Talla

Karo na biyu a jere kenan da Najeriya ke lashe gasar kwallon kwandon yayinda a jimlace ta lashe kofin sau hudu, a shekarun 2003, 2005 da kuma 2017 sai kuma na bana.

A ranar Lahadi ‘yan matan na Najeriya suka lallasa takwarorinsu na Senegal mai masaukin baki, da kwallaye 65 da kuma 55.

A shekarar 2017 ma dai an fafata wasan karshen gasar ce tsakanin kasashen biyu, inda Najeriyar ta doke Senegal da kwallaye 65 da kuma 48.

A wasannin baya da ta fafata yayin gasar, Najeriya ta lallasa Jamhuriyar Dimokaradiyar Congo da kwallaye 79 da 46.

Tunisia kuwa ta sha kashi a hannun D’ Tigress ne da kwallaye 76 da 25, sai kuma Kamaru da Najeriyar ta yiwa Dukan kawo wuka da kwallaye 106 da 39.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.