Isa ga babban shafi

Gwamnati da kungiyoyin kwadago sun cimma jituwa kan sabon albashi

Wasu mambobin kungiyar kwadago a Najeriya
Wasu mambobin kungiyar kwadago a Najeriya The Guardian Nigeria
Zubin rubutu: Azima Bashir Aminu
1 Minti

Bayan daukar tsawon kwanaki 3 ana kai ruwa rana a wani taron tattaunawa tsakanin shugabancin kungiyoyin kwadago da gwamnatin Najeriya dangane da aiwatar da tsarin biyan mafi karancin albashi na Naira dubu 30 a kasar, bangarorin biyu sun cimma yarjejeniya.

Talla

Takaddar bayan taron tattaunawar na kwanaki 3 ta kunshi bayanan da ke cewa, gwamnatin Najeriyar bisa sanya hannu ministan kwadago da samar da aikin yi, ta amince da biyan ma’aikatu da sassan gwamnati na Tarayya Naira dubu 30 a matsayin mafi karancin albashi karkashin dokar mafi karancin albashi ta 2019.

Cikin wadanda suka jagoranci cimma matsaya game da batun bayan barazanar kungiyoyin kwadago na tsunduma yajin aiki, sun kunshi ministan kwadagon Najeriyar Dr Chris Ngige tare da karamin ministan kwadago Dr Festus Keyamo.

Sauran wadanda suka sanya idanu a tattaunawar ta tsawon kwanaki 3 da ta kai ga kulla yarjejeniyar fara aiwatar da biyan sabon albashin ma’aikatan akwai Dr Folashade Yemi-Esan shugaban ma’aikata kana daraktan ma’aikatan gwamnatin kasar Mr Olusegun Olufehinti sai kuma sakatare da shugaban JNPSNC Mr Simon Anchaver da, Mr Alade Bashir.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.