An killace wani dan kasar Jamus da ya kamu da Coronavirus a Masar

Wani dan kasar Jamus dake yawon bude ido a Masar ya zama mutumi na farko da ya mutu a Afirka sakamakon kamuwa da cutar coronavirus wadda yanzu haka ta razana kasashen duniya.

Wasu daga cikin jami'an kiwon lafiya dake yaki da zazzabi coronavirus REUTERS/Kim Kyung-Hoon

Hukumomin Masar sun bayyana mutumin a matsayin mai shekaru 60 wanda ya fara nuna alamun zazzabi lokacin da aka kwantar da shi a asibitin Hurghada ranar 6 ga watan nan.

Ma’aikatar lafiyar kasar tace mutane 45 ake zargin suna dauke da cutar, wadanda suka hada da yan kasa da bakin da suka kamu a wani jirgin ruwa.

Firaminista Mostafa Madbouli yace jirgin na dauke ne da mutane 171, wadanda suka hada da baki 101 da kuma 70 yan Masar.