Isa ga babban shafi
Chadi

An karrama Idriss Deby da mukamin Marshall

An karrama Idris Deby da mukamin Marshall
An karrama Idris Deby da mukamin Marshall AFP/Renaud MASBEYE BOYBEYE
Zubin rubutu: Bashir Ibrahim Idris | Michael Kuduson
Minti 2

Rundunar Sojin Chadi ta yi bikin karrama shugaban kasa Idris Deby Itno da mukamin Marshall, a daidai lokacin da kasar ke bikin cika shekaru 60 da samun ‘yancin kai daga Turawan Faransa.

Talla

Majalisar Dokokin kasar ta amince da baiwa shugaba Deby wannan mukami bayan da ya jagoranci dakarun Chadi wajen fatattakar mayakan Boko Haram da ke yankin Tafkin Chadi a watan Afrilu.

Shugaban Majalisar dokokin kasar Haroun Kabadi ya bayyana Deby a matsayin wani madubin kasar, inda ya shaida masa cewar har yanzu Chadi na fuskantar barazanar kungiyar Boko Haram da ayyukan 'yan ta’adda.

Yayin bikin na Talata, shugaba Idris Deby ya saki firsinoni 538, cikin su har da Janar Abdelkader Baba Ladde, wani tsohon dan tawayen kasar da yayi yaki daga Jamhuriyar Afirka ta Tsakiya.

A watan Disamban bara wata kotu ta yanke wa Janar Ladde hukuncin daurin shekaru 8 a gidan yari saboda samun sa da laifin mallakar makamai ba bisa ka’ida ba da fyade da kuma kona gidaje.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.