Isa ga babban shafi
Congo

'Yan bindigar ADF sun kashe fararen hula 15 a Jamhuriyyar Congo

Hukumomin kasar sun zargi ADF da silar tserewar daruruwan Fursunoni daga yari.
Hukumomin kasar sun zargi ADF da silar tserewar daruruwan Fursunoni daga yari. Reuters
Zubin rubutu: Azima Bashir Aminu
Minti 1

Rahotanni daga Jamhuriyar Dimokiradiyar congo sun ce 'yan bindigar kungiyar ‘Allied Democratic Forces’ sun hallaka akalla mutane 15 a wani kazamin harin da suka kai kauyen Baeti da ke yankin Beni a Arewacin Kivu.

Talla

Janvier Kasairio, wani jami’i a kungiyar fararen hula ya ce an kai harin ne a daren jiya, kuma bayan kashe mutane an kona gidaje da dama.

Kungiyar ADF wadda aka kafa a shekarar 1990 a Uganda da ake danganta ta da 'yan tawaye, na daga cikin kungiyoyi sama da 100 da ke kai hare-hare a kasar Congo, kuma ana zargin ta da kashe mutane akalla 600 tun bayan kaddamar da sabbin hare hare daga watan Nuwambar bara.

A ranar 21 ga watan Octoba, 'yan Sanda sun zargi kungiyar ADFG da kai harin da ya yi sanadiyyar tserewar daruruwan fursinoni a gidan yarin Beni.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.