Najeriya

Sojojin Najeriya 127 za su ajiye aiki

Babban hafsan sojin Najeriya Janar Yusuf Tukur Buratai.
Babban hafsan sojin Najeriya Janar Yusuf Tukur Buratai. Nigerian Army
Zubin rubutu: Michael Kuduson
Minti 2

Jumullar sojojin Najeriya 127 ne za su ajiye aikin soja duk kuwa da matsanancin matsalar tsaron da ake  fuskanta a wasu sassan kasar.

Talla

Sojojin, sun fito ne daga bataliyoyi dabam dabam na sojin kasar, ba masu manyan mukami bane, kuma akasarin su na bakin daga a wuraren da ake samun matsalolin tsaro.

Jami’an sojin da suka hada da mai mukamin Master Warrant Officer guda, Warrant Officer 3, Staff Sergent 22, sergent 29, Corporal 64, sai masu mukamin Lance Corporal da Private 7 za su yi ban kwana da aikin soja ne a watan Mayun wannan shekarar, kamar yadda  kamar yadda wata sanarwa daga shelkwatar sojin ta kunsa.

Kuma rahotanni na cewa tuni babban hafsan sojin kasar Laftanar Janar Tukur Buratai ya amince da barin aikin na su.

Sai dai sanarwar da ke dauke da sunayen sojojin da za su ajiye aikin ba ta banbanta tsakanin wadanda ke barin aiki don ra’ayin kansu, da kuma wadanda ke bari don dalilai na rashin lafiya ba.

Wata sanarwar da wani Birgediya Janar T.A Gagariga, ya sanya wa hannu ta umurci sojojin 127 masu niyyar murabus da su mika duk wani abu na soji da ke tare da su.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.