Senegal-Human Rights Watch

HWR ta bukaci a gudanar da bincike kan kisan masu zanga-zanga a Senegal

Shugaban Senegal Macky Sall.
Shugaban Senegal Macky Sall. © RFI

Kungiyar kare hakkin dan adam ta Human Rights Watch ta bukaci Senegal  ta  kaddamar da wani bincike mai zaman kansa a  game da mutuwar masu zanga-zanga a yayin tarzomar da ta barke  a kasar a makon da ya gabata.

Talla

Akalla mutane 5 ne suka mutu a rikice rikicen da aka samu a sassan kasar bayan hatsaniyar da aka samu a ranar 3 ga watan Maris a lokacin da ‘yan sanda suka kama jagoran adawan kasar Ousmane Sonko.

Rikicin ya ci gaba har  zuwa ranar 8 ga watan Maris, kuma an samu sabanin alkalumma a game da yawan wadanda suka mutu.

Wata kungiyar adawa a Senegal ta  soke zanga zangar da ta shirya yi a yau Asabar bayan wadda aka gudanar tun da farko a kan  kame sonko ya janyo tarzoma a sassan kasar.

Hadakar mai ikirarin kare dimokaradiyya da ake Movement for Defence of Democracy, ta bayyana a wata sanarwa  jiya Juma’a cewa ta dage wannan zanga-zangar da ta shirya gudanarwa har sai yanda hali ya yi.

 

 

 

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.