Mutane 10 sun mutu a kamfanin hada kayan wuta a India

Wani abu da ya fashe a kamfanin hada kayan wuta da ke kudancin kasar India ya kashe akalla mutane 10, a cewar wani rahoto.

Wani waje da bam ya tashi a kasar India REUTERS/Vijay Mathur

Wani rahoton gidan telebijin kasar ya nuna wani turnikewan hayaki a saman kamfanin, wanda shi ne cibiyar hada kayayyakin wuta a kasar at India.

Kafofin yada labarai sun nuna cewa mutane 10 ne su ka mutu, sai dai ‘Yan sanda a kasar ba su fadi adadin mutanen da su ka mutu ba.

Sai dai wata sanarwa da wani jami’in tsaro a kasar ya fitar ya nuna cewa an kwashe gawawwaki 20, sai dai bai fadi duka adadin mutanen da su ka mutu ba.