Isa ga babban shafi

Sojin Iraqi sun hallaka mayakan IS 45

Sojin Iraqi sun hallaka kwamandojin IS a Syria.
Sojin Iraqi sun hallaka kwamandojin IS a Syria. REUTERS/Omar Sanadiki
Zubin rubutu: Nura Ado Suleiman
Minti 1

Rundunar sojin Iraqi ta ce ta yi nasarar hallaka mayakan kungiyar IS 45, ciki harda manyan kwamandojinsu, a wani farmaki da ta kai kan wata maboyarsu da ke garin Hajin a gabashin kasar Syria a lokacin da suke taro.

Talla

Karo na biyu kenan da sojin na Iraqi ke kai irin wannan farmaki cikin wata guda.

A watan Mayu da ya gabata ne kungiya mai sa ido kan yakin Syria, wato Syrian observatory, ta bada rahoton cewa akwai mayakan IS akalla 65 da ke zaune a garin na Hajin.

Tun daga shekarar da ta gabata ne sojin Iraqi suka kaddamar da farmaki kan mayakan IS da ke Syria, bayan samun amincewar shugaban kasar Bashar al-Assad da kuma bangaren rundunar mayakan da Amurka ke jagoranta.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.