Zawahiri ya tabbatar da mutuwar mataimakinsa al Libi,

Shugaban Kungiyar Al Qaeda Aymar Zawahiri REUTERS/Social Media Website via Reuters TV

Shugaban Kungiyar Al Qaeda, Ayman Zawahiri, ya tabbatar da mutuwar maitaimakinsa Abu Yahya al Libi, sakamakon wani harin sama da aka kai Yankin Waziristan na kasar Pakistan a ranar Hudu ga watan Yunin bana. Sakon Bidiyon kuma na zuwa ne a dai dai lokacin da Amurka ke tuna harin 11 ga watan Satumba.

Sakon Bidiyo na tsawon minti 42, Zawahiri ya bayyana shugaban Amurka, Barack Obama a matsayin makaryaci, wanda aka zaba don yaudarar Musulmin duniya, da kuma ake samun nasara akansa a kasar Afghanistan.

Zawahiri ya kuma tabbatar da cewa suna rike da wani ma’aikacin agaji Dan Amurka, Warren Weinstein, har sai Amurka ta saki mabiyansu.

Jami’an Amurka sun ce a ranar Litinin ne aka saka bidiyon a Intanet mai taken ‘Zakin ilimi da Jahadi”. Wanda ya nuna Zawahiri karon farko cikin watanni uku.