Australia

Majalisar kasar Australia ta ki amincewa da kudirin dokar auren jinsi daya

Majalisar Kasar Australia
Majalisar Kasar Australia www.delsjourney.com

Majalisar Kasar Australia ta ki amincewa da kudirin dokar auren jinsi guda da gagarumar rinjaye, inda ‘Yan Majalisu 98 suka kada kuri’ar watsi da dokar, wacce kuma ta samu goyan bayan ‘Yan Majalisu 42 kawai. Cikin wadanda suka kada kuri’ar watsi da dokar sun hada da Firaminista, Julia Gillard da shugaban ‘Yan adawa, Tony Abbott. 

Talla

Ita dai Gillard ta ba wa ‘Yan majalisun dama ne su da su yi zabi akan abin da  ya kamata ba a matakin Jam’iya ba.

Shugaban ‘Yan kwadago a majalisar, Anthony Albanese, wandaya jefa kuri’ar goyon bayan kudurin dokar, ya ce duk da cewa kudurin ya sha ka yi a majalisa, kuri’u 42 da su samu na nuna cewa akwai kwarin gwiwa.

“Shekaru kadan da su ka gabata, babu wanda ma zai yi tunanin kudurin dokar za ta samu goyon baya kuri’u 42 a majalisar.” Inji Albanese.

Ya kuma kara da cewa “Sakamakon kada kuri’ar, ya nuna cewa akwai goyon bayan daga jama’ar kasar, ina kuma ganin cewa wata rana, ‘Yan majalisar za su gane hakan”

Kuri’ar da ‘Yan majalisun su ka kada dai ta kawo karshen muhawarar da aka kwashe makwannin ana yi, inda wani Dan majalisar Dattawa, ya kwatanta auren jinsi daya da saduwa da dabbobi, wanda hakan ya jawo cecekuce daga kuma kashe ya sa aka tilasta shi ya yi murabus saboda kalaman da ya yi.

 

 

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.