Isa ga babban shafi
MDD

Wasu halittun duniya na fuskantar barazanar karewa

Nau'ukan halittun duniya kimanin miliyan 1 na fuskantar barazanar karewa daga doran kasa saboda gurbacewar muhalli
Nau'ukan halittun duniya kimanin miliyan 1 na fuskantar barazanar karewa daga doran kasa saboda gurbacewar muhalli Boris HORVAT / AFP
Zubin rubutu: Abdurrahman Gambo Ahmad | Nura Ado Suleiman
1 min

Wani rahoton bincike da Majalisar Dinkin Duniya ta fitar a yau Litinin, ya nuna cewa ayyukan dan Adam da ke lalata muhallinsa na barazanar karar da hallitun dabbobi da na tsirrai daban-daban akalla miliyan daya nan da wasu ‘yan shekaru.

Talla

Tawagar kwararru kan kimiyya da muhalli sama da 400 ne suka gudanar da wannan bincike, wanda a cikinsa suka yi gargadin cewa, wani yanki daga cikin jumullar nau'ukan halittun duniya kimanin miliyan takwas suna mutuwa cikin sauri a dalilin gurbatar muhalli, fiye da makamancin hakan da aka taba fuskanta sama shekaru miliyan 10 da suka gabata.

Masanan sun kara da gargadin cewa, mutuwar ire-iren tsirran da dabbobi cikin sauri, ka iya haifar da shafewar hallitu masu yawan gaske cikin gajeren lokaci, kamar yadda hakan ta faru ga manyan dabbobin da suka fi girma a tarihin duniya, da a turance ko a kimiyyance ake kira da Dinosaurs, wadanda suka kare daga doron kasa kimanin shekaru miliyan 66 da suka shude.

Rahoton ya kara da cewa, sare dazuka da kuma yawaitar manyan masana’antu, na kan gaba wajen haddasa gurbacewar muhalli, domin a cewar masanan, sare dazukan da ke dada yawaita ne ya haddasa dumamar yanayin da ya haifar da tashin gobarar daji a Australia da Indonesia da Rasha da Portugal da Carlifornia da kuma Girka, wuraren da gobarar ta tafka mummunar barna.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.