Iran

Annobar Coronavirus ta halaka Iraniyawa 97 a kwana 1

Jami'an kwana- kwana a titunan babban birnin kasar Teheran yayin tsaftace muhalli da zummar dakile yaduwar annobar murar Coronavirus.  13/3/2020.
Jami'an kwana- kwana a titunan babban birnin kasar Teheran yayin tsaftace muhalli da zummar dakile yaduwar annobar murar Coronavirus. 13/3/2020. AFP

Ma’aikatar lafiyar Iran ta ce annobar murar Corona ta halaka karin mutane 97 a yau asabar, abinda ya sanya jimillar adadin wadanda annobar ta halaka a kasar karuwa zuwa 611.

Talla

A bangaren wadanda suka kamu da cutar kuma, jami’an lafiyar a Iran sun ce karin mutane dubu 1 da 365 aka samu cikin kwana daya rak, abinda ya sanya jimillar adadin wadanda suka kamu kaiwa dubu 12 da 729.

Wasu rahotanni daga kasar ta Iran dai na cewa akalla mutane 92 da suka mutu, sun rasa ransu ne saboda shan sinadarin methanol, bayan da aka shaida musu cewar yana magance cutar murar Coronavirus da ta zamewa duniya annoba.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.