Isa ga babban shafi
Faransa

Kisan bakar-fata:Amurkawa sun zaburar da Faransawa

Masu zanga-zangar adawa da mutuwar Adama Traore a Fata
Masu zanga-zangar adawa da mutuwar Adama Traore a Fata Reuters

Dubban Faransawa sun gudanar da zanga-zangar nuna adawa da mutuwar wani matashi bakar-fata a hannun ‘yan sandan kasar a shekarar 2016, inda suke amfani da ire-iren kalaman da masu zanga-zanga a Amurka ke furtawa.

Talla

Jami’an ‘Yan sandan Kwantar da Tarzoma sun cilla hayaki mai sa kwalla kan masu zanga-zangar a birnin Paris da zummar tarwatsa su saboda haramcin taruwar jama’ar da yawanta ya zarta 10.

Gabanin wannan sabuwar zanga-zangar, dimbin jama’a sun gudanar da tattakin lumana na tsawon sa’o’i biyu a daidai lokacin da wasu kasashen duniya suka fusata da kisan da aka yi wa George Floyd a Amurka.

Masu zanga-zangar na Faransa sun tuna tare da girmama marigayi Adama Traore, bakar-fatar da ya mutu a hannun jami’an ‘yan sandan kasar a shekarar 2016.

Kazalika an samu yamutsi a makamanciyar wannan zanga-zanga da aka gudanar a birnin Marseille da ke kudancin Faransa.

Zanga-zangar da aka gudanar a Amurka ta adawa da kisan da dan sanda ya yi wa Floyd, ita ce ta zaburar da Faransawa har suka gudanar da tasu zanga-zangar.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.