Isa ga babban shafi

Faransa ta share bakin haure daga birnin Paris

Lokacin da jami'an tsaro ke aikin kwashe bakin haure daga sansaninsu na Aubervilliers da ke yankin arewacin birnin Paris.
Lokacin da jami'an tsaro ke aikin kwashe bakin haure daga sansaninsu na Aubervilliers da ke yankin arewacin birnin Paris. Christophe ARCHAMBAULT / AFP
Zubin rubutu: Abdurrahman Gambo Ahmad
Minti 2

Rundunar ‘yan sandan Faransa ta kwashe ‘yan ci-rani kimanin dubu 1 da 500 daga wani sansani da ke yanki arewacin birnin Paris, lura da barazanar da suke fuskanta ta kamuwa da coronavirus.

Talla

Bayanai na cewa, ‘yan ci-ranin na rayuwa ne cikin wani mummunan yanayi da kuma rashin tsaftaccen ruwan sha a sansanin na Aubervilliers, lamarin da ke dada jefe su cikin hatsarin harbuwa da cutar.

Da jijjifin ranar Laraba ne ‘yan ci-ranin suka fara shiga motocin bas-bas da aka ajiye a sansanin wanda ya cika makil da bakin masu neman zama a nahiyar Turai.

Wata jami’ar Kungiyar Agaji, Silvana Gaeta ta ce, ‘yan ci ranin sun galabaita, tana mai cewa, a karo na goma kenan da ake sauya wa wasu daga cikinsu matsuguni kuma akasarinsu ana jibge su ne a dakunan motsa jiki na dan wani lokaci, yayin da wasu ke ci gaba da gararanba a kan tituna.

Jami’ar Kungiyar Agajin ta Solidarite Migrants Wilson, ta caccaki hukumomin Faransa kan yunkurinsu na jibge ‘yan ci-ranin a boyayyun wurare don mutane su yi zaton cewa, ‘suna cikin yanayi mai kyau.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Babu shafi

Babu bayanan da ka bukata ko kuma sam babu su.